Пионердиҥ ижин бӱдӱрерге јакшы график керек. Сен бир неделеде 18 саат јарлазаҥ, пионердиҥ ижин бӱдӱрип ийериҥ, анайда ок сенде бош ӧй дӧ болор! Мындый график айалга кенейте солына да берзе, темдектезе оорый берзеҥ эмезе кӱнниҥ аайы солына берзе, пионердиҥ ижин оноҥ ло ары бӱдӱрерге болужат. Тӧмӧнги таблицада јарым неделе эмезе бӱдӱн неделе иштеп тургандарга, анайда ок су-кадыгы эмезе чыдалы уйан улуска белетелген графиктер бар. Слердиҥ билегер кандый бир солынталар этсе, бир-бирӱгер сыгын айдаҥ ала пионердиҥ ижин баштаар аргалу болор эди. Бу суракты билелик бажырышта не шӱӱжип кӧрбӧс?