Кижиликтиҥ тӱӱкизинде јаҥдар Иегованыҥ албатызына болушкан учуралдар бир катап болбогон (Езд 6:1—12; Эсф 8:10—13). Бӱгӱнги де ӧйлӧрдӧ, «јер» — керсӱ улус отурып турган бу телекейдиҥ кандый бир организациялары,— «јелбегенниҥ», Сатана Дьяволдыҥ, баштап турган агын «суудый» истежӱлерин јуудып ийген учуралдар бар (Ач 12:16). Бистиҥ Аргадаачы Иегова Кудайыс јаҥда отурган улусты оныҥ албатызын корулазын деп кӱӱнзедер аргалу (Ср 68:20; Ук 21:1).

Је сени Кудайга бажырып турганыҥ учун тӱрмеге отургызып салган болзо? Иегова сени корулап турган деп качан да алаҥзыба (Бш 39:21—23; Ср 105:17—20). Сениҥ чындык артып турганыҥ бастыра јердиҥ ӱстинде ака-эјелердиҥ бӱдӱмјизин тыҥыдып турганын ла Кудай сениҥ бӱдӱп турганыҥды кайралдап саларын ундыба (Фп 1:12—14; Ач 2:10).

«КОРЕЯДАГЫ КАРЫНДАШТАР ЈАЙЫМДАЛГАН» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:

• Нениҥ учун кӧп јылдардыҥ туркунына Тӱштӱк Кореяныҥ јаҥдары бистиҥ карындаштарды тӱрмеге отургызып туратан?

• Кандый јаргылар олордыҥ кезиктерин ӧйинеҥ озо јайымга чыгарарына экелген?

• Канайып бис бӱдӱмјизи учун тӱрмеде отурган башка-башка ороондордыҥ ака-эјелерине болужар аргалу?

• Биске јайымысла канайып тузаланар керек?

• Юридический јеҥӱлер учун бис озо ло баштап кемге быйанду болор керек?