Кинчегин алынбаган улусты јууннаҥ чыгарганы — ака-эјелерге кору болуп, кинчек эткен улустыҥ бойына тӱзединетен арга болуп јат (1Кр 5:6, 11). Бу јанынаҥ Иеговага сӧсуккур болгоныс бистиҥ сӱӱжисти кӧргӱзет. Бу айалгала колбулу ончо улуска (ол тоодо јуук тӧрӧӧндӧргӧ лӧ правовой комитетте турушкан аксагалдарга) ачу болуп турган болордо, мында кандый сӱӱш болотон?

Озо ло баштап, бис Иеговага ла оныҥ агару нормаларына сӱӱжисти кӧргӱзип јадыс, нениҥ учун дезе, бис оныҥ јакшы ады учун санааркап јадыс (1Пт 1:14—16). Анайда ок сӱӱжисти јууннаҥ чыгардырган кижиге кӧргӱзип јадыс. Мындый тӱзедетен арга ачу да болзо, је ол «амыр ла акту јӱрӱм берет» (Евр 12:5, 6, 11). Јууннаҥ чыгардырган эмезе јууннаҥ јана тӱшкен улусла бис куучындажып турзаас, Иеговага андый кижини тӱзетсин деп арга бербей јадыс. Ундыбагар: Иегова бойыныҥ ишчилерин кату каруузына «ӧйи-кеминде» тургузат (Иер 30:11). Оныҥ учун Иегованыҥ тӱзедип турган аргаларына јӧмӧжип, кӧгӱс јанынаҥ бек болуп артактар. Анайда ок јууннаҥ чыгардырган кижи бистиҥ килеҥкей Адабыска кайра јанып келер деп иженип јӱректер (Ис 1:16—18; 55:7).

«СОХРАНЯЕМ ПРЕДАННОСТЬ С НЕРАЗДЕЛЕННЫМ СЕРДЦЕМ» ДЕГЕН ВИДЕОНЫ КӦРӰП, ТӦМӦНГИ СУРАКТАРГА КАРУУ БЕР:

• Христиан ада-энелердиҥ балазы Иегованы артыргызып салза, олор нени сезет?

• Тӧрӧӧни Иегованыҥ Керечили болбой барган христиандарга јуун канайып болужар аргалу?

• Иегованы тӧрӧӧндӧрдӧҥ тыҥ сӱӱр керек деп, кандый библиялык учурал кӧргӱзет?

• Иегованы тӧрӧӧндӧрдӧҥ тыҥ сӱӱп турганыс недеҥ кӧрӱнер?