Јакшы најылар кандый болуп јат? Олор јалакай, бой-бойына јаантайын болужып јат ла качан да бой-бойын таштабас. Иегова шак ла мындый најы (Чг 34:6; Ап.и 14:17). Ол сениҥ мӱргӱӱлдериҥди угат. Кӱчтериҥде болужып јат (Ср 18:19, 35). Јаманыҥды таштайт (1Ин 1:9). Айдарда, Иегова — эҥ ле јакшы најы!

А сен Иеговага најы болорго, нени эдер аргалу? Агару Бичиктеҥ ол керегинде билгирлер ал. Ого иженип јӱр (Ср 62:8; 142:2). Иегованыҥ баалап турганын — Иисусты, Каандыкты ла келер ӧйгӧ ижемјини — баалап тур. Кудай керегинде улуска куучындап тур (Јҥ.т 32:3). Иеговага најы болуп калзаҥ, ол ӱргӱлјиге сениҥ Најыҥ болор (Ср 73:25, 26, 28).

«ЈИИТТЕР, „ЧЕНЕП КӦРӰГЕР, ИЕГОВАНЫҤ ЈАЛАКАЙЫН БИЛИП АЛЫГАР“!» ДЕГЕН ВИДЕОНЫ КӦРӰП, ТӦМӦНГИ СУРАКТАРГА КАРУУ БЕР:

• Сен учурланарга ла чӧҥӱрилерге канайып белетенер аргалу?

• Иеговага иштеерге, сеге ака-эјелер канайып болужар аргалу?

• Јарлаар ишке турушканыҥ Иеговага јууктарга канайып болужат?

• Иеговага иштееринде сенде кандый аргалар бар?

• Сен Иегованы нениҥ учун сӱӱп јадыҥ?