БУ НЕНИҤ УЧУН КЕРЕКТӰ Иегова чындыктыҥ ӱренин «ӱргӱлји јӱрӱмге» кӱӱндӱ улустыҥ јӱрегинде ӧскӱрип јат (Ап.и 13:48; 1Кр 3:7). Бис Иеговала кожо иштенип, ајаруны озо ло баштап билгирлерди тузаланып турган улуска эдедис (1Кр 9:26). Ондый улуска аргаданарга чӧҥӱрилер керек деп јартап берер керек (1Пт 3:21). Ӱредип турган улузыс Иисустыҥ ӱренчиктери болуп алзын деп, олорго јӱрӱмин тӱзедип аларга ла ӧскӧ улуска јарлап, олорды ӱретсин деп болужадыс. Анайда ла ок олорды јӱрӱмин Иеговага учурлазын деп кӱӱнзедедис (Мф 28:19, 20).

МЫНЫ КАНАЙЫП ЭДЕР

• Ӱренип турган кижиге ӱредӱниҥ амадузы — Иегованы јакшы билип алары ла бу билгирлерди јӱрӱмде тузаланары керегинде эске алындырып тур (Ин 17:3).

• Оныҥ кӧгӱс ӧзӱмине болужып тур: кӱчтерин ӧдӧргӧ, темдектезе, таҥкынаҥ айрыларга, јакшы најылар табарга.

• Чӧҥӱрилердеҥ озо ло оныҥ да кийнинде ого болужып тур (Ап.и 14:22).

«ИЕГОВА КУДАЙ СЕГЕ БОЛУЖАР» ДЕГЕН КӦРӰЛМЕНИ КӦРӰП, АЛДЫНДА СУРАКТАРГА КАРУУ БЕР:

• Иеговага јӱрӱмин учурлап, чӧҥӱрилерге кижи недеҥ улам коркыырдаҥ айабас?

• Аксагалдар Агару Бичикти ӱренип турган кижиге кӧгӱс ӧзӧргӧ канайып болужар аргалу?

• Исаия 41:10-ноҥ бис Иегова керегинде нени билип аладыс?

• Толо кеминде эмес те болзоос, Иеговага чындык иштеерге биске кандый кылык-јаҥыс болужар?