2022 јылдыҥ кӱӱк айыныҥ 19-чы кӱнинде ас ла салза 75 должностной лицо ООН-ныҥ Безопасностьтиниҥ Соведине: «Бастыра јердиҥ ӱстинде тегин де једишпей турган аш-курсак COVID-19 деп пандемиянаҥ ла климаттыҥ солынганынаҥ улам оноҥ тыҥ јетпей барган. Је Украинадагы јуу-согуштаҥ улам удабас бастыра јердиҥ ӱстине торо башталар» — деп јетирӱ эткен. Мыныҥ кийнинеҥ The Economist деп журналда мындый сӧстӧр айдылган: «Јуу-согуш тегин де коомой айалганы коркышту јаан торо ӧйлӧргӧ экелет». Агару Бичикте судурлалганыла, бистиҥ ӧйдӧ курсак-тамак једишпей турганынаҥ улам торо болор. Је бу ла бичик биске кӱч ӧйлӧрди ӧдӧргӧ болужат.

•   Иисус Христос айткан: «Калык калыкка, каандык каандыкка удура туруп чыгар, [«башка-башка јерлерде», ЈТ] ачана-торо болор» (Матфей 24:7).

•   Агару Бичиктиҥ Ачылта деп бичигинде сӱрлеп айдылган атка минген тӧрт кижи керегинде айдылат. Олордыҥ бирӱзи јуу-согуштарды темдектейт. Оныҥ кийнинеҥ баратканы тороны темдектейт. Бу ӧйдӧ аш-курсак једишпей јат ла оны коркышту баалу садат. Ачылта 6:5, 6-да айдылат: «Мен кара атты кӧрӱп ийгем. Атка мингенниҥ колында — беске. Мен... угуп ийгем: — Јарым килограмм буудай — бӱдӱн кӱнге иштеген акчага садылар, бӱдӱн јарым килограмм арба — бӱдӱн кӱнге иштеген акчага садылар» (Смысловой перевод, орус).

 Торо керегинде бу судурлар бистиҥ ӧйдӧ бӱдӱп јат. Бистиҥ ӧй Агару Бичикте калганчы кӱндер деп адалат (2 Тимофейге 3:1). Слер калганчы кӱндер керегинде ле Ачылта деп бичиктеги атка минген тӧрт кижи керегинде кӧптӧдӧ билерге турган болзоор, «1914 јылдаҥ ала јӱрӱм коркышту тыҥ солынып калган» деп видеоны кӧрӱгер, анайда ок «Четыре всадника. Тайна раскрыта» деп статьяны кычырыгар.

•   Агару Бичикте кӱч ӧйлӧрди ӧдӧргӧ болужып турган јакшы јӧптӧр бар. Бу јӧптӧр курсак-тамак бааланып турза, ол эмезе једишпей турза база тузалу. Бу керегинде кӧптӧдӧ билип аларга, «Как обходиться меньшими средствами?» деп статьяны кычырыгар.

•   Анайда ок Агару Бичик ижемји берет. Ондо «јердиҥ ӱстинде... калаш артыгынча болор» деп айдылат, оныҥ учун улуста курсак јеткил болор (Сарын 72:16). Агару Бичикте бу керегинде база не айдылып турганын билип аларга ла бого нениҥ учун бӱдерге јараарын билерге, «Реальная надежда на лучшее завтра» деп статьяны кычырып кӧрӱгер.