Иисус јаман керектер ол не деп јакшы билер. Нениҥ учун дезе оныҥ бойын бир де тӧзӧлгӧ јокко бурулап, камчылап, јаргылап, коркышту тыҥ кыйнап ӧлтӱрип салгандар. Ол кандый да јаман керек этпеген бойы «улус учун јӱрӱмин» берип ийген (Матфей 20:28; Иоанн 15:13). Эмди дезе Иисус теҥеридеги башкаруныҥ — Кудайдыҥ Каандыгыныҥ Башчызы болот. Ол удабас јаман керектерди јоголтып салза, бастыра јердиҥ ӱстинде јажын-чакка амыр болор (Исайя 42:3).

 Агару Бичикте эмдиги јӱрӱмниҥ канайып солынары керегинде мынайып бичилген:

•   «Јаман керектер эдип турган улус јоголып калар. Олордыҥ турган јерине кӧрӱп ийзеҥ, олорды таппай каларыҥ. Јобош улус дезе, јерди энчиленип, арбынду амырла јакшызынар» (Сарын 37:10, 11).

 Айдарда, Иисустыҥ бистерге туку качан нени эдип салганы учун, келер ӧйдӧ нени эдерге турганы учун быйанысты канайып кӧргӱзерис? Кудайдыҥ Сӧзинде, Лука 22:19-та, Иисустыҥ божогон кӱнин ӧткӱрзин деп јакару бичилген. Бу јакаруны Иисус бойы берген. Оныҥ учун Иисустыҥ ӱренчиктери, Иегованыҥ Керечилери, Иисус Христостыҥ ӧлӱмин эске алар Эҥирге кажы ла јыл јуулыжып јат. Бу Эҥир 2024 јылда тулаан айдыҥ 24 кӱнинде ӧдӧр. Слерди бу јаан учурлу байрамга акту кӱӱнистеҥ кычырып јадыс!

Кайраканныҥ Эҥири кайда болор