2023 јылда су-кадык корулаары јанынаҥ эксперттердиҥ айтканыла, јаҥысканзыраш су-кадыкка коркышту јаан каршу јетирип турган немелердиҥ тоозына кирет. Мыныҥ аайына чыгар арга бар ба?

•   «Јаҥысканзыраш ла социальный изоляция кижиниҥ су-кадыгына јаан каршузын јетирет. Је улусла кажы ла кӱн эптӱ-јӧптӱ ле нак јӱрерге албаданып турзаас, андый каршу биске тийбес аргалу» (США-ныҥ главный санитарный врачы, Вивек Мурти) a.

 Кижи јаҥыскан да болзо, улустыҥ да ортозында јӱрзе, јаҥысканзыраардаҥ айабас. Мыныҥ шылтагы башка-башка да болзо, бу сурактыҥ аайына чыгарга, Агару Бичик болужат. Ондогы јӧптӧр најылар таап аларга болужар.

 Куучындажарга ӱренигер. Улусла куучындажып тура, јаҥыс ла бойоор куучындабагар, је ӧскӧ дӧ кижиге андый арга берип, оны лаптап угугар. Улусла канча ла кире кӧп куучындажып турзаар, олорго ончо ло кире јуук болуп калараар.

•   Агару Бичиктеги принцип: «Кажыгар ла бойындыйын эмес, је кажыгар ла ӧскӧ дӧ улустыйын сананзын» (Филиппыдагыларга 2:4).

 Кандый ла улусла куучындажыгар. Угы-тӧзи, культуразы башка улусла, анайда ок јиит те, јиит эмес те улусла најылажып кӧрӱгер.

•   Агару Бичиктеги принцип: «Јӱректеригерди ачыгар» (2 Коринфтегилерге 6:13).

 Најылар таап аларга нени эдер керек деп билип аларга, «Как обрести дружбу» деген статьяны кӧрӱгер.