2022 јылдыҥ кочкор айыныҥ 24-чи кӱнинде, эртен тура таҥла, телекейлик башкараачылар јуу-согуш болбозын деп албаданган да болзо, Россияныҥ черӱзи Украинаныҥ јерине кире берген. Бу јуу-чактыҥ тартыжузынаҥ улам телекейде айалга кандый болор? Канча да кӱн кайра ООН-ныҥ генеральный секретари Антониу Гутерриш мынайып айткан: «Бу тартыжу коркышту јаан кӱчтерге экелер: улустыҥ кыйын-шыразына, јайрадылышка, Европа ла бастыра телекейде јуу-чак болорына чочыду бар».

•   Иисус Христос «калык калыкка, каандык каандыкка удура туруп чыгар» деп судурлаган (Матфей 24:7). «Калганчы кӱндердиҥ» темдеги ол не?» деп јӧрмӧлди кычырыгар. Анда Иисустыҥ айткан бу судуры канайып бӱгӱнги кӱнде бӱдӱп турганы јарталат.

•   Агару Бичиктиҥ Ачылта деген бичигинде јуу-чакты от-кызыл атка минген кижиге тӱҥейлеп салган. Бу атка мингенге «јердеҥ амырды алзын» деп айдылган (Ачылта 6:4). Бу судур бӱгӱнги кӱнде канайып бӱдӱп турганын билип аларга, «Четыре всадника. Тайна раскрыта» деп јӧрмӧлди кычырып алыгар.

•   Даниилдиҥ бичигинде «тӱндӱк каанныҥ» ла «тӱштӱк каанныҥ» ортозында удурлажулар болор деп судурлалган (Даниил 11:25—45). «Даниил деп бичиктиҥ 11 бажалыгындагы судурдыҥ бӱткени» деген видеоны кӧрӱгер. Анда Россия ла оныҥ союзниктерин нениҥ учун тӱндӱк каан деп айдарга јараар деп јарталат a.

•   Анайда ок Ачылтада «кӱчтӱдеҥ кӱчтӱ Кудайдыҥ улу кӱнинде [болотон] јуу-согуш» керегинде судур бичилип калган (Ачылта 16:14, 16). Је мында бистиҥ кӧрӱп турган албатылар ортодо болуп турган јуу-согуш керегинде айдылбай јат. Бу керегинде кӧптӧдӧ билип аларга, «Что такое битва Армагеддон?» деген јӧрмӧлди кычырыгар.

•   Агару Бичикте Кудай «бастыра јердиҥ ӱстинде јуу-согушты» токтодып салар деп сӧзин берет (Сарын 46:9). Кудайдыҥ амадузы керегинде кӧптӧдӧ билип аларга, «Реальная надежда на лучшее завтра» деген јӧрмӧлди кычырыгар.

•   Иисус Кудайдыҥ Каандыгы келзин деп мӱргӱӱрге ӱреткен (Матфей 6:9, 10). Бу Каандык — теҥеридеги башкару. Ол Кудайдыҥ кӱӱн-табын јерде бӱдӱрип салар ла бастыра јердиҥ ӱстинде амыр-энчӱни орныктырар. Бу Каандык слердиҥ јӱрӱмеерди канайып солыыр аргалу деп билип аларга, «Кудайдыҥ Каандыгы ол не?» деген видеоны кӧрӱгер.

 Украинада 130 000 кире Иегованыҥ Керечилери јадат. Олор ӧскӧ ороондордогы ака-эјелер чилеп Иисустаҥ тем алып, политикага киришпей де јат, јуулашпай да јат (Иоанн 18:36). Иегованыҥ Керечилери бастыра јердиҥ ӱстиле «Каандык керегинде Сӱӱнчилӱ Јар» јарлап јат. Бу Каандык кижиликтиҥ ончо уур-кӱчтерин ле јуу-чакты јоголтып салар (Матфей 24:14). Ижемји берип турган библиялык јар керегинде кӧптӧдӧ билип аларга, бисле колбожыгар.