Телекейдеги башчылар ла международный организациялар амыр экелип болбой јат. Экинчи телекейлик јуу-согуштаҥ бери ӧйди кӧрзӧ, бӱгӱнги кӱнде јердиҥ ӱстинде эҥ ле кӧп јуу-согуш болуп јат. Эки миллиард кире кижи — ончо улустыҥ тӧртинчи бӧлӱги — кандый бир јуу-согуш болуп турган јерде јадат.

 Улус нениҥ учун амыр јадып болбой турган? Агару Бичик нени айдат?

1.  1. Бӱгӱнги кӱнде улустыҥ кылык-јаҥы тыҥ ӱрелип калган, оныҥ учун олор амыр-энчӱ јӱрӱп болбой јат. Агару Бичикте бӱгӱнги кӱнде улус «бойын сӱӱр, акчага ӱстӱгер, мактанчак, бийиркек болор... јаражар кӱӱни јок... тудунбас, казыр болор... ӧчӧш, улуркак болор» деп айдылып калган (2 Тимофейге 3:2—4).

2.  2. Улус јаҥыскандыра да, ӧскӧ улусла кожо биригип те алза, кӱчтериниҥ аайына Јайаачы, Иегова a Кудайдыҥ, болужы јогынаҥ чыгып болбос. Нениҥ учун дезе Агару Бичикте: «Кижи бойыныҥ јӱрӱмин ле алтамдарын башкарып болбос» — деп айдылып калган (Иеремия 10:23).

3.  3. Телекей кӱчтӱ ле казыр башкараачыныҥ, Сатана Дьяволдыҥ, колында. Ол керегинде мынайып бичилген: «[Ол] бастыра телекейди мекелеечи јаан јелбеген» (Ачылта 12:9). Оныҥ учун «телекей... бӱткӱлинче јаманныҥ табында» болгончо, јердиҥ ӱстинде јуу-согуштар токтобос (1 Иоанн 5:19).

 Агару Бичикле болзо, јердиҥ ӱстинде амыр-энчӱ болор. Је оны улус эмес, јӱк ле Кудай берер аргалу.

•   «„Мен слерге амадаганымды јакшы билерим — деп, Иегова айдат. — Слерге келер ӧйгӧ ижемји берерге, тӱбекти эмес, је амырды берерге амадагам“» (Иеремия 29:11).

 Кудай берген сӧзин канайып бӱдӱрер? «Амырдыҥ Кудайы... Сатананы јыга ба[зар]» (Римдегилерге 16:20). Ол теҥеридеги башкарузын, ӧскӧртӧ айтса, Агару Бичикте айдылганыла, «Кудайдыҥ Каандыгын» тузаланып, бастыра јердиҥ ӱстинде амыр-энчӱ јайаар (Лука 4:43). Бу Каандыктыҥ Кааны, Иисус Христос. Ол бастыра јердиҥ ӱстиле башкарза, улус амыр-энчӱ јадарга ӱренип алар (Исайя 9:6, 7).

•   Бу керегинде кӧптӧдӧ билип аларга, «Кудайдыҥ Каандыгы нени эдер?» деген веб-статьяны кычырыгар.