2024 јылда бастыра јердиҥ ӱстинде коркышту кӧп талдаштар ӧдӧр. Бир јылга андый кӧп талдаштар качан да болбогон. Је улус политиктерге там ла бӱтпей барат.

•   США-да ӧткӱрилген бир опросло болзо, кӧп саба американецтер, политиктер улуска болужар кӱӱндӱ эмес, је «бойыныҥ санаазына јединерге турган» деп сананат a (Пью деген Исследовательский центр, сыгын ай 19, 2023 јыл).

 Мынайып јаҥыс ла јаан јашту улус эмес, је јииттер де сананат.

•   «Јииттерди бӱгӱнги кӱнниҥ кӱчтери санааркадат, је опросторло кӧрзӧ, политиктер кӱчтердиҥ аайына чыкпай турган деп, олор сананат» («Нью-Йорк таймс», чаган ай 29, 2024 јыл).

•   «Јииттер кӧп сабада политиктерге эмес, је видеоблогерлерге бӱдет» («Кориа таймс», чаган ай 22, 2024 јыл).

 Политиктер биске јакшы јӱрӱм экелип болор бо? Кемге бӱдерге јараар?

 Болгон ло кижиге бӱтпес керек. «Бӱдӱҥкей кижи кажы ла сӧскӧ бӱдӱп калат, је сагышту кижи кажы ла алтамын сананып јат» — деп, Агару Бичикте айдылат (Укаа сӧстӧр 14:15).

•   Јетирӱ чын ба, тӧгӱн бе деп оҥдоп аларга болужатан јӧптӧрди «Защитите себя от дезинформации!» деп статьянаҥ табып аларга јараар.

 Кандый да ару санаалу политик бастыра кӱчтердиҥ аайына тӱҥей ле чыгып болбос. Оныҥ учун Агару Бичик айдат:

•   «Аргадаар аргазы јок кинчектӱ башкараачыга иженбегер» (Сарын 146:3).

 Агару Бичикте айдылганыла, Кудай улуска эҥ ле јакшы ла бӱдӱмјилӱ башчыны талдап салган. Ол Иисус Христос (Лука 1:32, 33). Ол — теҥеридеҥ башкарып турган Кудайдыҥ Каандыгыныҥ, башкарузыныҥ эмезе правительствозыныҥ, Кааны (Матфей 6:10).

•   Иисус Христоско нениҥ учун бӱдерге јараар ла ол бистиҥ кӱчтеристиҥ аайына канайып чыгар деп билип аларга, «Кто возглавит Царство Бога?» ла «Кудайдыҥ Каандыгы нени эдер?» деп статьяларды кӧрӱгер.