Телекейдиҥ кӧп саба ороондорында бу јуукта ӧткӧн шиҥжӱле болзо a, орто тооло алза, кажы ла тӧртинчи кижи јаҥысканзырап јат.

•   «Кандый ла кижи, јажы да, јааны да, кайда да јатса, јаҥысканзыраардаҥ айабас» (Чидо Мпемба, Су-кадыкты корулаар телекейлик организацияныҥ социальный связьтар аайынча комиссиязыныҥ сопредседатели).

 Јӱк ле јажы јаан улус эмезе јаҥыскан јадып турган улус јаҥысканзырап турган деп сананбас керек. Нениҥ учун дезе су-кадык та, јиит те, билелӱ де, кӧп немеге јединген де кижи јаҥысканзыраардаҥ айабас. Социальный изоляция кижиниҥ су-кадыгына јаан каршу јетирердеҥ маат јок.

•   США-ныҥ главный санитарный врачы, Вивек Мурти, мынайып айткан: «Јаҥысканзыраш — кижиниҥ јӱк ле ичиндеги сезимдери эмес. Социальный изоляцияныҥ каршузы бир кӱнге 15 сигарет тартканына тӱҥей болот».

 Кудай бисти јаҥысканзырабазын деп кӱӱнзейт. Оныҥ амадузыла болзо, кижиде куучындажатан јакшы најылар болор керек.

•   Агару Бичиктеги принцип: «Кудай Кайракан айткан: „Кижиге јаҥыскан јӱрерге јаман“» (Башталганы 2:18).

 Кудай бисле најылажарга кӱӱнзейт. Ол сӧзин берет: бис ого јууктаарга албаданзаас, ол бойы да биске јууктаар (Иаков 4:8).

•   Агару Бичиктеги принцип: «Кудайды билерге кӱӱнзеген улус ырысту, нениҥ учун дезе олорго теҥеридеги Каандык берилер» (Матфей 5:3, ЈТ).

 Кудайдыҥ кӱӱниле болзо, биске улусла кожо јуулыжып, бажырар керек. Бу дезе бистиҥ кӱӱн-санаабыска туза јетирет.

•   Агару Бичиктеги принцип: «Сӱӱрге ле јакшы керектер эдерге кӱӱнзедип, бой-бойыбыска ајарыҥкай бололы... јуундарыста јок болуп калбай туралы... бой-бойыбысты мынаҥ артык сергидектер» (Еврейлерге 10:24, 25, ЈТ).

 Јаҥысканзырашла нениҥ учун тартыжар керек деп кӧптӧдӧ билип аларга, «Одиночество в век массовой коммуникации» деген статьяны кӧрӱгер.