Poy mi Cik 32:1-52
32 Wucik ithwu, E polo man abiweco,man wek ng’om uwinj wec mi dhoga.
2 Ponji para bicwii calu koth;wec para biton calu thoy,calu ng’idho koth iwi lum,man calu koth ma corere iwi uboko.
3 Kum abitwong’o nying’ Yehova.
Wuyer pi dwong’ pa Mungu mwa!
4 Cana, tic pare tie leng’,Kum yo pare ceke tie pwe.
Mungu mi lemandha m’umbe ku gondiri nyanok de;e pwe man en atira.
5 Gin re ma gitimo lembe ku gondiri.
Gin awiya pare ngo, mulima tie migi gigi.
Gitie dhanu m’utuk m’ugondiri man m’unyothiri.
6 Nyo wucikuru nitimo lembe ni Yehova kumeni,E dhanu ma jukusegu man ma rieko migi mbe?
Nyo en e Wegwu ngo m’uketho wubedo nuti,Ng’atu m’ucwiyowu man m’uketho wucungo nging’ ng’ing’?
7 Poy pi rundi ma yang’ con;Par pi oro mi dhanu m’utuk m’ukadhu.
Penj wuru, e ekoro iri;judongo peri man gibinyutho iri.
8 Kinde ma Ng’atu ma Malu ngbir umiyo ni thek giralaga migi,kinde m’epoko kind wot Adamu,*eketho kieu mi dhanu nimakere ku wend wot Israel.
9 Kum dhanu pa Yehova gitie ma ka pare;Yakobo en e giralaga pare.
10 Enwang’e i ng’om langa,i hanga ma iye nanu man ma nduru ni iye.
Etwodo kume pi nigwoke, edieng’ kude,man egwoke calu tong’ wang’e.
11 Tap calu m’acur yengo ode,etuk iwi nyithindhe, eyaru vombe egamu kogi,eyeyogi iwi lwith vombe,
12 Yehova kende re m’umedere nitelo wiye;mungu moko mbe ma jawirok m’ubino kude.*
13 Eketho eringo iwi ka ma malu mi ng’om,uketho ecamu piny m’ucek i podho.
Etunge ku miyokic m’uai kud i canaman mo m’uwok kud i cana ma tek,
14 cak m’umakere mir udul dhieng’ man cak mir udul rombe ku diegikaracelo ku rombe m’ang’iya,*nyogi rombe mi Bacan, man nyogi diegi,karacelo ku nganu ma ber hai;*man imadhu giramadha m’uai kud i pigulok.*
15 Kinde ma Yecurun* ucwey, egweyo tiende pi nijai.
Icwey, ifung’ini, ii pong’.
E ekwero Mungu m’ucwiye,man ecayu Cana mi both pare.
16 Gitugo kwinyo i iye ku mungu ma juwirok;ginyayu ng’eicwiny i iye ku piny ma judagu.
17 Gibed githiero lam ni pajogi, ento ni Mungu ngo,ni mungu ma ging’eyo ngo,mungu ma nyen m’uwok ceng’ini eni,mungu ma kwaruwu ging’eyo ngo.
18 Wii wil ku Cana m’unyoli,man ipoy ungo pi Mungu m’unyoli.
19 Kinde ma Yehova uneno lembuno, e ewenjogipilembe wote ku nyige ginyayu ng’eicwiny i iye.
20 Pieno ewacu kumae: ‘Abipanu wang’a cen igi;abineno lembe ma biwok i kumgi.
Kum gitie dhanu m’utuk ma weg gondiri,wot ma lemandha mbe i igi.
21 Gitugo kwinyo* i iya ku piny ma tie mungu ngo;ginyayu ng’eicwiny i iya kud ayi gin m’acwiya migi ma tijgi mbe.
Pieno abitiyo ku piny ma dhanu ngo pi ninyayu nyeko i igi;abinyayu ng’eicwiny i igi ku thek ma jakasegu.
22 Kum ng’eicwiny para cwinyo macma biwang’ nitundo piny i die Liel,*man ebiwang’u ng’om ku cam m’ucek i iye rukman ebiwang’u kathere mi gudi.
23 Abimewo lak peko migi;abidaru nying athero para i wigi.
24 Gibivoc ni kecman malaria ma tek ku nyoth ma kec bidarugi pet.
Abioro lak yedi man kwir pa thwol mir utur i kumgi.
25 Woko, palamularu bikabugi;ju ma n’i ot ndiri bimakugi,nik’ebed jalawobi ku nyaku m’ung’eyo co ngo,nyathin karacelo ku jadwong’ ma wiye julwar.
26 Nwang’u di ayer kumae: “Abilalugi;abiketho jubipoy ungo pigi i kind dhanu.”
27 Lworo re m’ubenega i kum masendi pa jadegi,pilembe judegi romo nyang’ rac i kum lembene.
Giromo yero kumae: “Tego mwa uvoyo;utie ngo Yehova re m’utimo lembuni ceke.”
28 Kum gitie thek m’ukoso rieko,*man nyang’ i lembe mbe i kindgi.
29 Ka nwang’u ndhu gi riek! Nwang’u giparu cuu pi lembe maeni.
Nwang’u giparu pir ajiki migi.
30 Ng’atu acel romo riemo dhanu elufu acel,man dhanu ario romo tugo dhanu elufu apar (10 000) nenedi?
Ndhu ka Cana migi ulworogiman Yehova umiyogi.
31 Kum cana migi tie ngo calu Cana mwakadok judegi mwa de ginyang’ i lembuno.
32 Kum pigulok migi uai kud i yend ulok mi Sodomaman kud i podho mi Gomora.
Nying ulok migi utie nying ulok mir adra,njuru nying ulok migi kec.
33 Pigulok migi tie kwir pa thwol,adra ma negojo p’urobi.
34 Nyo jukanu ngo maeno i bang’a,nyo jumwono ngo ayi i wiye i dero para?
35 Culo kwor en e para man miyo matira,i saa ma juketho kinde ma tiendgi bikier,kum nindo mi ruvwa migi ni ceng’ini,man gin m’ubekurogi bibino pio mandha.
36 Kum Yehova bipoko lembe mi dhanu pareman kisa binege* pi jutic parekinde m’ebeneno nia kero migi ujwik,man nia ju ma jakony migi mbe man ma tego thum i kumgi re m’udong’.
37 E ebiyero kumae: ‘Mungu migi ni kani,cana ma gibed gisayu kapondo i bang’e,
38 m’ubed ucamu miyo mi lam migi,m’ubed umadhu pigulok mi girathiera migi mi pigulok?
Wek giai malu man gikonywu.
Wek gidok ni kapondo mwu.
39 Nen kawoni an a en,man mungu mange mbe m’uweko an.
Anego man aketho kwo,anyayu ret man akeyo,man ng’atu moko mbe ma romo bodho kud i cinga.
40 Kum ating’o cinga yor i polo,man akwong’o kumae: “Calu andha akwo pi nja,”
41 tek apaku palamularu para ma riang’ini,man ayiko cinga pi pokolembe,abiculo kwor i kum judegi paraman abikelo matira iwi ju m’udaga.
42 Abiketho athero para bimer ku rimo,man palamularu para bicamu ring’o,ku rimb ju ma junego man ma jumaku,ku jutelwic mi jutela pa jadegi.’
43 Anyong’a negwu, wu thek mange, karacelo ku dhanu pare,kum ebiculo kwor mi rimb jutic pare,man ebiculo kwor i kum judegi pare,man ebitimo adunya pi* ng’om mi dhanu pare.”
44 E Musa ubino man eyero wec ceke mi wer maeni i ith dhanu, en gikud Hoceya* ma wod Nun.
45 I ng’ey ma Musa udaru yero wec maeno zoo ni Israel ceke,
46 ewacu igi kumae: “Wugwok i adundewu wec ceke m’abecimo ko weng’wu tin eni, kara wung’ol ni wotwu nia gibed ku wang’gi man gitii ku wec ceke mi Cik maeni.
47 Kum etie wec ma iye nanu ngo iwu, ento en e kwo mwu man nikum wec maeni, iromo kwo lee i ng’om m’ibekadhu i iye loka Yordan pi nimaku.”
48 Yehova ugam uweco i bang’ Musa nindo ma rom eno, ewacu kumae:
49 “Idh malu iwi got maeni mir Abarim, Got Nebo ma n’i ng’om mi Moab m’ubeneno yor i bang’ Yeriko man inen ng’om mi Kanan m’abecimiyo ni Juisrael ni aba.
50 I ng’eye, ibitho iwi got m’ibeciidho i wiye, man jubicoki karacelo ku dhanu peri,* tap calu m’Arun m’umeru utho iwi Got Hor man jucoke karacelo ku dhanu pare,
51 pilembe wun ario zoo wugwoko ngo bedoleng’ mwu ira i kind Juisrael i bang’ pii mi Meriba i Kadec i langa mi Zin, kum wudwoka ngo leng’ i wang’ dhanu mir Israel.
52 Ibineno ng’ombe ku bor, ento ibimondo ngo i ng’om m’abemiyo ni dhanu mir Israel.”
Korolembe mi There
^ Kunoke nyo “kodhi dhanu.”
^ Niwacu ku Yakobo.
^ I dhu Juebrania: “m’ucwey.”
^ I dhu Juebrania: “miyo rong’ini mi nganu.”
^ I dhu Juebrania: “rimb ulok.”
^ Thelembene tie “Ng’atu m’atira.” Eno tie nying’ mi yung pa Israel.
^ Kunoke “nyeko.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke nyo “udhing’ i juk.”
^ Kunoke “ebibedo kud adieng’a.”
^ Kunoke “ebidwoko leng’.”
^ Ku kwong’a eno re m’ubino nying’ Yocuwa. Hoceya utie nying’ ma Hocaya i adundo, man thelembene tie “Ma Yah ubodho; Yah ugam ubodho.”
^ Eno tie kit lembabola ma nyutho tho.
