Wel 24:1-25
24 Saa ma Balam uneno nia nimiyo mugisa ni Israel ubenyayu anyong’a* i Yehova, ecidho ngo kendo niyenyo kuroga, ento eloko wang’e yor i langa.
2 Kinde ma Balam uting’o wang’e man eneno Israel ugonjo calku suru migi, e tipo pa Mungu ugam ubino i wiye.
3 I ng’eye, eyero lembabola ma e:
“Wec pa Balam ma wod Beor,man wec pa ng’atu ma wang’e yabere,
4 wec pa ng’atu m’uwinjo lembe pa Mungu,m’uneno gin ma wok i wang’ pa Jategokpo,m’ukulo kore piny ma wang’e ubedo ayaba:
5 Hema peri leng’ mire ma, E Yakobo,hema peri mi thier, E Israel!
6 Calu poga,* gimoyiri nicidho bor,calu podho ma n’i dhu kulo,calu aloes* ma Yehova upidho,calu tido ma n’i dhu pii.
7 Pii ubemol kud i ndoy pare ario mir adila,man jucoyo kodhi pare* i dhu pii ma dit.
Ubimo pare bende bibedo dwong’ nisagu Agag,man ker pare bidodere.
8 Mungu ubewodhe kud i Misiri;etie calu tung jobi igi.
Ebimvoro thek m’ubesende,ebimwodo cogogi, man ebing’enyo igi kud athero pare.
9 Evuto piny, erieyere calu umvor,man calu umvor, ng’a ma romo ng’ap nituge?
Mugisa kwanyu ju m’umiyo iri mugisa,man alam maku ju m’ubelemi.”
10 Ng’eicwiny ugam umaku Balak i kum Balam. Balak upadu cinge ku ng’eicwiny man ewacu ni Balam kumae: “Alwong’i kara ibin ilam judegi para, re gin m’itimo atima de mbe, ilund imiyo igi mugisa wang’ adek maeni zoo.
11 Dong’ dok thu de eni eni. Nwang’u aketho nia abiyungi lee mandha, ento nen! Yehova uceri ku nwang’u yung’ne.”
12 Balam udwoko ni Balak kumae: “Nyo ayero ngo ni jukwenda m’ioro nia,
13 ‘kadok nwang’u Balak umiyo ira ot pare ma mola ma tar ku mola ma kwar bik i iye de, ku yeny para gira,* aromo timo ngo gin moko ci m’ukoc ku ma Yehova ung’olo, nik’ebed ma ber kunoke ma rac. Abiyero kende kende gin ma Yehova biwacu ira’.
14 Dong’ kawoni abedok i bang’ juthuwa. Bin man wek anyuth iri gin ma dhanu maeni bitimo i kum dhanu peri i nindo m’ubino.”*
15 I ng’eye, eyero lembabola ma e:
“Wec pa Balam ma wod Beor,man wec pa ng’atu ma wang’e yabere,
16 wec pa ng’atu m’uwinjo lembe pa Mungu,man ng’atu m’utie ku ng’eyong’ec pa Ng’atu ma Malu ngbir,eneno gin ma wok i wang’ pa Jategokpokinde m’ekulo kore piny ma wang’e ubedo ayaba:
17 Abinene, ento kawoni ngo;abing’iye, ento eni eni ngo.
Nyakaluku biwok kud i bang’ Yakobo,man uluthker biting’ere malu kud i Israel.
Ma jiji mbe ebing’enyo bende terwang’ Moabman upoko wi wot jurop ceke.
18 Man Edom bidoko ni aba,eyo, Seir bidoko aba mi judegi pare,kinde ma Israel binyutho tegocwiny pare.
19 Ng’atu acel ma biwok kud i Yakobo bibimo,man ebinyotho ng’atu moko ci m’uboth kud i adhura.”
20 Kinde m’eneno Amalek, emedere ku lembabola pare kumae:
“Amalek ubino thek ma kwong’a,ento i ajiki ebinyothere.”
21 Kinde m’eneno Jukeni, emedere ku lembabola pare kumae:
“Kabedo peri utie agwoka, man pacu peri n’i wi cana.
22 Ento ng’atu moko biwang’u Kayin cen.
Edong’ nindo ma rukani nitundo m’Asiria bimeki ko ni ng’eca?”
23 Man emedere ku lembabola pare kumae:
“Can! Ng’a ma biboth kinde ma Mungu bitimo lembuni?
24 Meli biai kud i dhu wat mi Kithim,gibisendo Asiria,man gibisendo Eber.
Ento en de ebinyothere buu.”
25 I ng’eye Balam uai malu ecidho man edok yo pare. Balak bende ucidho i yo pare.
Korolembe mi There
^ I dhu Juebrania: “ubino ber i wang’.”
^ Kunoke “ndaba.”
^ Tie yen moko ma wodho udok ma ng’wice ng’ar ma jubed juyiko ko mo ma ng’wice ng’ar i rundi mi Biblia.
^ Kunoke “nyikwaye.”
^ I dhu Juebrania: “niai kud i adundena.”
^ Kunoke “i nindo mir ajiki.”
