Yob 10:1-22
10 “Adagu* kwo para ku rac.
Abiwagara kamaleng’.
Abiweco nikum can para ma kec!*
2 Abiwacu ni Mungu kumae: ‘Kud iyer nia a jakosa;nyuth ira nia pirang’o ibenyego i dhoga.
3 Nyo berone nuti iri de nisendoman nicayu tic m’i cingi,m’ilund icwaku ko juk mi jutimrac e?
4 Nyo itie ku wang’ mi ring’kum,kunoke nyo ineno calu ma dhanu ma tho e neno ko?
5 Nyo nindo peri gi calu nindo mi dhanu ma githo e,kunoke nyo oro peri gi calu oro pa dhanu,
6 ma nia isay ko kosa para,man imediri ko niyenyo dubo para?
7 Ing’eyo nia kosa mbe i wiya,man ng’atu moko mbe ma copo bodha kud i cingi.
8 Cingi giri re m’ubinya man ucwiya,ento kawoni idhingo nyotha magwei.
9 Akweyi, poy nia icwiya kud ulobo,ento kawoni ibeketho adok i utur.
10 Nyo ikonja ngo calu cakman ing’ina calu lungu cak m’utali?
11 Ironya ku dendkum man ring’kum,man idika ku cogo man ler karacelo.
12 Imiyo ira kwo man mer ma lokere ngo;ikuro kum tipona* nikadhu kud i gwok m’igwoka ko.
13 Ento ikeco nyamung’ mung’ nitimo lembe maeni.*
Ang’eyo nia lembe maeni uai i beng’i.
14 Ka nwang’u adubo, nwang’u inena,man nwang’u iweko ngo ira kosa para.
15 Tek atie jakosa, can i wiya!
Man kadok nwang’u lembe mbe i wiya, acopo ting’o ngo wiya malu,kum apong’ ku lewic man can.
16 Tek ating’o wiya malu, idwara ve ibedwaru umvor,man inyutho tego peri i kuma kendo.
17 Ikelo jumulembe ma nyen i kumaman imedo ng’eicwiny peri i kuma,ma ke nwang’u peko ubelwobere alwoba i wiya.
18 Dong’ pirang’o ke iketho awok kud i maa?
Eni nwang’u atho para ma wang’ moko acel de mbe m’unena.
19 Nwang’u ecibedo ve nia abedo mbe;nwang’u niai kud i ic, acidho para wang’ acel i liel.’
20 Nyo nindo para gi nok ungo? Dong’ Mungu uwek abed gira;dong’ elok wang’e cen kud i bang’a, kara akenwang’ yom moko nyanok,*
21 i wang’ m’acidh i ng’om mi mudho ma bii,*m’abidwogo ngo kud i iye,
22 i ng’om mi binga m’ucido bii,ng’om mi tipopiny ma col ma lembe unyamere swa i iye,kaka ma der de ubedo i iye ve mudho.”
Korolembe mi There
^ Kunoke “ng’eyong’ec para udagu.”
^ Kunoke “nikum ng’eyong’ec para ma kec.”
^ Kunoke “yuyo; kwo.”
^ I dhu Juebrania: “man lembe maeni re m’ikanu i adundeni.”
^ Kunoke “anyong’a keunega nyanok.”
^ Kunoke “mi mudho man tipopiny mi tho.”
