Yob 11:1-20
11 Zofar ma Janaamathi udwoko lembe kumae:
2 “Nyo wec maeni ceke jubidwoko ngo wang’gi,kunoke nyo wec ma dupa copo nyutho nia lembe pa ng’atini en e andha?*
3 Nyo wec peri ma iye nanu biketho dhanu uling’i?
Man nyo ng’atu moko acel de mbe ma bijuki pi wec peri mi caci?
4 Kum ibewacu kumae: ‘Ponji para leng’,man ambe ku cilo i weng’i.’
5 Ento ka nwang’u ndhu Mungu copo wecoman eyero iri lembe!
6 E nwang’u ecituco iri lembamung’a mi rieko,pilembe rieko mandha kwonde dupa.
E nwang’u inyang’ nia Mungu uweko wijo uwil i kum racu peri moko.
7 Nyo icopo ng’eyo lembe ma thuc pa Mungu,kunoke nyo icopo nyang’ i lembe ceke iwi* Jategokpo?
8 Rieko n’i malu nisagu polo. Icopo timo ang’o i kume?
Etie thuc nisagu Liel.* Iromo ng’eyo ang’o i kume?
9 E bor nisagu ng’om,man e lac ma sagu nam.
10 Tek ekadhu, etwiyo ng’atu moko i kol man elwong’o pido,ng’a ma copo cerere ire?
11 Kum eng’eyo ka dhanu gibecwayu vupo.
Kinde m’eneno gin ma rac, nyo ebiketho ngo wiye kilili i kume?
12 Ento ng’atu ma wiye mbe binyang’ndhu cing’ ma kana mi lum bibedo ku copo mi nyolo dhanu.*
13 Ka nwang’u ndhu iyiko adundeniman ithang’u cingi i bang’e ba!
14 Tek cingi ubetimo lembe ma rac, kab lembene cen,man kud iwek gondiri ukwo i hema peri.
15 E ibilund ting’o wii malu m’umbe lewic,ibicungo ma tek m’umbe lworo.
16 E wii biwil i kum peko peri;ibipoy pire kendo ngo calu m’icopo poy ungo pi pii m’udaru mol.
17 Kwo peri birieny ma tar ma sagu dieceng’;kadok mudhone de bibedo calu kugweno.
18 Cwinyi bibedo tek pilembe nwang’u genogen unuti,ibineno ng’eti kun ku kun man ibivuto museme.
19 Ibivuto ma ng’atu moko mbe m’ubenyayu lworo i ii,man dhanu dupa gibiyenyo ginwang’ bero i weng’i.
20 Ento wang’ jutimrac bicor,man gibinwang’u ngo karingo;Genogen migi bibedo ndhu tho kende.”
Korolembe mi There
^ Kunoke “nyo jakulula bibedo ku haki?”
^ Kunoke “nwang’u mupaka pa.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “ka kana mi lum unyolere ni dhanu.”
