Yob 13:1-28
13 “Eyo, wang’a uneno gin maeni ceke,itha uwinje man anyang’ i iye.
2 Gin ma wung’eyo, an de ang’eyo;a nok ungo ma saguwu.
3 Pira an, aromo mito awec ku Jategokpo,abemito ater kesi para i wang’ Mungu.
4 Ento wun, wubeng’ienda i vupo;wun ceke wu bamunganga ma tijwu mbe.
5 Ka nwang’u ndhu wubedo ling’,nwang’u timba eno ubecinyutho nia wu riek.
6 Akwayuwu, wukewinj lembe m’abekoro,man wucik ithwu wuwinj kite m’abecero ko bang’a.
7 Nyo wubiyero lembe m’atira ngo i kum Mungu,man wubicwayu ndra ku nyinge?
8 Nyo wubibedo i thenge pare,nyo wubipimo nipido kaka Mungu mandha?
9 Tek Mungu ung’iyo i adundewu man timo mwu, nyo lembe bibedo iwu miero?
Nyo wubiwonde calu ma wucopo wondo ko dhanu ma tho e?
10 Andhandha ebijukowutek wubeyenyo ninyutho akoyakoya nyamung’ mung’.
11 Nyo dwong’ pare binyayu ngo ndiri i iwu,man lworo pare bipodho ngo i wiwu?
12 Wec mwu mi bodho* gi lembabola mi vuru;wec mwu ma wucero ko beng’wu* tijgi mbe calu ban ma juyiko kud ulobo.
13 Wukeling’ cen i wiya kara aweci.
E lembe moko ci m’ubebino i wiya dong’ ubin!
14 Pirang’o abekethara gira i ariti*man abemaku kwo* para i cinga?
15 Kadok nwang’u enega anega de, nwang’u akuro para asu;nwang’u acero bang’a* i wang’e.
16 E nwang’u edoko both para,kum ng’atu moko mbe ma lworo ngo Mungu,* ma copo mondo i wang’e.
17 Wuwinj wec para cuu;wucik ithwu i kum lembe m’abeyero.
18 Kawoni wunen, ayiko lemkesi para.Ang’eyo nia lembe para tie m’atira.
19 Ng’a ma binyego i dhoga?
Ka nwang’u ukwayere nia abed ling’,* nwang’u abetho.
20 E Mungu, tim ira ndhu lembe ario* kende,kara kud apond kud i weng’i:
21 Cor cingi ma pek cen kud i kuma,man kud iwek lworo peri ung’oy ndiri i iya.
22 Kunoke lwong’a, man abidwoko iri lembe,kadi ke wek aweci, e in ilund idwok ira.
23 Akoso ang’o, man adubo ang’o?
Nyuth ira kier para man dubo para.
24 Pirang’o ibekanu weng’i iraman ibenena ni jadegi peri?
25 Nyo ibipimo ninyayu ndiri i ith yen ma yamu ubeleko,kunoke nyo ibiriemo tok soka m’uthwo?
26 Kum ibemediri nikiewo adote ma pek m’ibedota ko,man ibemiyo ira matira pi dubo m’atimo i aradu para.
27 Iroyo tienda i kongo,ibelubo yo para ceke,man ibelibo kakare ceke ma tienda unyono.
28 Pieno dhanu* nyothere calu piny m’utop,calu bongu ma rudho ucamu.
Korolembe mi There
^ Kunoke “mi poy.”
^ I dhu Juebrania: “ng’ey ban mwu m’ucudo.”
^ I dhu Juebrania: “pirang’o abetero ring’ kuma i laka.”
^ Kunoke “ng’eyong’ec.”
^ Kunoke “acero ba yo para.”
^ Kunoke “ng’atu m’ujai moko mbe.”
^ Kunoke nyo “ka ng’atu moko copo, abibedo ling’ man abitho.”
^ I dhu Juebrania: “lembe ario kende ma kud itim ira.”
^ I dhu Juebrania: “e.” Copere eno ubenyutho Yob.
