Yob 17:1-16
17 “Tipona rungere, nindo para thum;liel ubekura.
2 Jucac gitieka,man ubekwayu wang’a unen* timo migi mi jai.
3 Akweyi, jol mukwatu* para, man gwoke i beng’i.
Ng’a mange ma bidiko cinge kuda man bicungo i kuma?
4 Kum ikanu ng’iyo i lembe cen ni adundegi;eno re m’uketho ibedodogi ngo.
5 Eromo penjo jurimbe nia emii piny pare moko igi,ma ke nwang’u kec ucido wang’ awiya pare.
6 Edwoka ni jamcac* i kind dhanu,uketho adoko ng’atu m’umaku jung’iedh law i wang’e.
7 Can udwoko wang’a nyaviavia,man wathkuma ceke tie mudho.
8 Lembene wang’u i dhanu m’atira lii,man ng’eicwiny nego ng’atu ma lembe mbe i wiye i kum ng’atu ma woro ngo Mungu.*
9 Won bedopwe moko kii i kum tic pare,man ng’atu ma cinge leng’ doko tek m’usagu.
10 Ento wun ceke wubin man wucak wec mwu kendo,kum anwang’u ngo ng’atu ma riek acel de i kindwu.
11 Nindo para thum;lembe m’apangu man yeny mir adundena de ginyothiri.
12 Gibejigo ngo niloko diewor udok dieceng’,ma gibewacu kumae: ‘Der ucikere nibedo ceng’ini pilembe piny ucido.’
13 Tek akuro asu, Liel* re ma bidoko ni ot para;abipedho kavuto para i mudho.
14 Abikok ni vur* kumae: ‘In i vwa!’
Ni ukoko ke kumae: ‘In i maa man nyamira!’
15 Dong’ genogen para ni kani?
Ng’a m’ubeparu nia genogen utie ira?
16 Ebiloro* piny i dhugola mi Liel*kinde ma wan ceke wabiloro karacelo i utur.”
Korolembe mi There
^ Kunoke “ubed iwi.”
^ Kunoke “garanti.”
^ I dhu Juebrania: “lembabola; uda.”
^ Kunoke “jajai.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “liel.”
^ Niwacu genogen para biloro.
^ Kunoke “Ceol,” niwacu liel mi dhanu ceke. Nen Thelembe mi wec.
