Yob 18:1-21
18 Bildad ma Jacuwa uloko lembe kumae:
2 “Wubijigo weco wec ma kumeno awene?
Wukenyuth nia wutie ku rieko moko kara wan de walund waweci.
3 Pirang’o wubenenowa ve leiman wubekwanuwa ni jukusegu?*
4 Kadok nwang’u ng’eicwiny peri uketho ing’weko ii* nziki nziki,nyo jubiwenjo ng’om piri,kunoke nyo cana biai ku kakare?
5 Eyo, der pa jatimrac bitho,man lebmac pare bicaru piny ungo.
6 Der ma n’i hema pare bicido bii andha,man thala ma n’i wiye bitho.
7 Kind tiende m’ebedagu ku tego ujwik,man juk pare gire bibole.
8 Kum tiende bitere i voi,man ebiwotho swa i wang’ voine.
9 Uwic bimaku tok tiende;uwic ma kucelo bimake.
10 Jukanu ire thol i ng’om,man juciko uwic i yo pare.
11 Ndiri unyayu lworo i iye kun ku kunman eberieme m’ebenyono kaka m’enyono.
12 Tego ubethum kud i kume,man peko pare biketho ebikomo akoma.
13 Tho ucamu dend kume;twoyo ma negojo ku rac* umwodo wathkume.
14 Jutuge kud i hema pare ma nwang’u ebedo i iye musememan jutere i bang’ tho ma rac dit.*
15 Juwirok* bikwo i hema pare;jubidhenyo mac* iwi ot pare.
16 Ulage bithwo i there,man jange biner i wiye.
17 Jubipoy pire ngo iwi ng’om,man nyinge bing’eyere ngo i gengi.
18 Jubicwale kud i der ebicidho i mudhoman jubirieme cen kud i ng’om ma cego cam.
19 Ebibedo mbe kud awiya* man nyikwayu i kind jupagi,man ng’atu moko mbe ma biboth kaka m’ebekwo i iye.*
20 Kinde ma nindo mi nyoth pare bitundo, i dhanu ma yo Reto biwang’ liiman ndiri bimaku dhanu ma yo Nyangu.
21 Eno tie lembe ma wok i kum hema pa jatimracman i kum kabedo pa ng’atu m’ung’eyo ngo Mungu.”
Korolembe mi There
^ Kunoke nyo “gin m’ucido?”
^ Kunoke “i ng’eyong’ec peri.”
^ I dhu Juebrania: “kayu mi tho.”
^ I dhu Juebrania: “ubimo mi ndiri.”
^ I dhu Juebrania: “Piny moko ma pare ngo.”
^ Kunoke “muganga m’ubewang’.”
^ I dhu Juebrania: “kodhi.”
^ Kunoke “pacu pare ma pi nindo moko kende.”
