Yob 21:1-34
21 Yob udwoko kumae:
2 “Wukewinj cuu lembe m’abeyero;man ebed ni jukocwiny ma wubemiyo ira.
3 Wukecira kinde m’abeweco;kan adaru weco, e i ng’eye wucopo ng’iera.
4 Nyo abewagara i bang’ dhanu?
Ka nwang’u utie kumeno, nwang’u acopo* jigo ngo niciro?
5 Wunena man wuzungi;wuketh cingwu iwi dhogwu.
6 Kan aparu pi lembene, wiya jebere,man kuma zoo miel krr.
7 Pirang’o jutimrac gibekwo,gibetii, man gibelonyi?*
8 Saa ceke gitie kud awiya migi i vutgi,man gineno nyikwaygi.
9 Udi migi tie museme, lworo de negogi ngo,re Mungu ubemiyo ngo igi matira kud uluth pare.
10 Thwoni dhieng’ migi poro tap;megi dhieng’ migi nyol man givogo de ngo.
11 Wotgi ringo woko calu udul lim,man awiya migi tuko kud anyong’a.
12 Giwer ku nyathi vul man adungu,man badwal mir usegu nyayu anyong’a i igi.
13 Anyong’a negogi i nindo migi cekeman giloro piny i Liel* ku kwiyocwiny.*
14 Ento giyero ni Mungu mandha kumae: ‘Wek wabed giwa!
Ava ng’eyo yo peri mbe i kumwa.
15 Jategokpo tie ng’a ma nia watim ire e?
Wabinwang’u faida ang’o tek wang’eye?’
16 Re ang’eyo nia gimbe ku copo iwi piny migi.
Paru* mi jutimrac ni bor kuda.
17 Thala mi jutimrac tho wang’ adi?
Peko tundo i wigi wang’ adi?
Mungu kelo nyoth i wigi ku dhu ng’eicwiny pare wang’ adi?
18 Nyo gidoko de calu lum i wang’ yamuman calu cung’ piny ma wavuvu ting’o ceni?
19 Mungu bigwoko matira pa ng’atini ni wote.
Ento maku Mungu cul ire bende kara eng’ey lembene.
20 Maku enen nyoth pare ku wang’e gire,man maku en re m’emadh kwinyo pa Jategokpo.
21 Kum nyo ebidieng’ andha i kum lembe ma bitimo ot pare yor i ng’eyetek jujwigo* wend dwi pare?
22 Nyo ng’atu moko copo ponjo Mungu ku ng’eyong’ec,*ma ke en re m’epoko lembe kadok iwi ju ma ni malu hai?
23 Ng’atini tho ku kero pare zooma nwang’u ebedo pare gire man cwinye kwiyo,
24 ma nwang’u bambe pong’ ku miyoman cogone tek.*
25 Ento ng’atu mange lundo tho ku can ma lee,*ma nwang’u ebilo ngo nyanok de piny ma beco.
26 Gibivuto karacelo i utur,man ukoko bing’ino i kumgi gin ceke.
27 Nen! ang’eyo cuu gin ma wubeparuman lembe ma wubepangu pi nitima rac.*
28 Kum wubewacu kumae: ‘Ot pa ng’atu ma pire yik ni kani,man hema ma jutimrac gibed gikwo i iye ni kani?’
29 Wupenjo juruwoth ungo?
Nyo wubeponjo ngo kilili lembe ma giyero,*
30 nia jatimrac ubedo agwoka i nindo mi pekoman eboth i nindo mi ng’eicwinyi?
31 Ng’a ma bijuke ngbeng’ pi yo pare,man ng’a ma biculo ire pi gin m’etimo?
32 Kinde ma jubitere i liel,jakur bikuro kabuli pare.
33 Lungu ng’om mi poga* bibedo mit ire,man dhanu ceke bilubo toke*tap calu dhanu ma wendgi kwanere ngo m’ular ucidho i wang’e.
34 Dong’ pirang’o wubemiyo ira juk ma konyne mbe?
Dwokowang’ lembe mwu ceke tie vupo kwa!”
Korolembe mi There
^ I dhu Juebrania: “tipona copo.”
^ Kunoke “gibedoko weg tego.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “nyagwil,” niwacu pio pio m’umbe litho mi tho.
^ Kunoke “juk; plan.”
^ Kunoke “jupoko ni ario.”
^ Kunoke “ponjo Mungu ku gin moko.”
^ I dhu Juebrania: “miyo mi cogone numu.”
^ Kunoke “ma nwang’u ng’eyong’ec pare kec.”
^ Kunoke nyo “nitimo ku rop i kuma.”
^ I dhu Juebrania: “giranyutha migi.”
^ Kunoke “ndaba.”
^ I dhu Juebrania: “man ebipeyo dhanu ceke i toke.”
