Yob 26:1-14
26 Yob uloko lembe kumae:
2 “Ikonyo ng’atu ma tego pare mbe mire ma!
Ibodho bot ma tego mbe i iye mire ma!
3 Imiyo juk ma ber ni ng’atu m’ukoso rieko!
Inyutho rieko peri ku berocwiny* mire ma!
4 Ibeng’ap niweco i ba ng’a,man ng’a m’uketho iyero lembe ma kumeni?*
5 Ju ma tego migi mbe i tho kumgi ubemiel;gini piny ma sagu pii man giki ma kwo i igi.
6 Liel* ubedo muneru i wang’ Mungu,*man kaka mi nyoth* ubedo ngbeng’.
7 Erieyo yo malu mi polo* iwi kaka ma thwolo,eliero ng’om iwi gin moko ngo;
8 Eboyo pii i afuru pare,kara afuru kud ung’eny nikum peko migi;
9 Eciko ba komker pare,kud afuru pare m’emoyo i wiye.
10 Eriedo kieu* iwi pii,eketho mupaka i kind der ku mudho.
11 Mbegi mi polo yengiri;man lworo makugi nikum juk pare.
12 Etugo i nam ku tego pare,man nikum nyang’ i lembe, erungo i giracwiya ma dit mi nam* nziki nziki.
13 Eketho polo lero ku yuyo* pare;cinge kadhu plu kud i thwol ma makere ngo.*
14 Nen! eni gi ng’et tic pare moko ma nok kende;ndhu lembamung’a ma nok kende m’uwinjere pire!
Dong’ ng’a ma copo nyang’ i kum tego mi morpolo pare?”
Korolembe mi There
^ Kunoke “ma dupa.”
^ I dhu Juebrania: “man yuyo kunoke tipo ng’a m’uwok kud i beng’i?”
^ Kunoke “Ceol,” niwacu liel mi dhanu ceke. Nen Thelembe mi wec.
^ I dhu Juebrania: “i wang’e.”
^ Kunoke “man Abadon.”
^ I dhu Juebrania: “yo malu.”
^ I dhu Juebrania: “twodiri.”
^ I dhu Juebrania: “Rahab.”
^ Kunoke “yamu.”
^ Kunoke “ma kume fwoth.”
