Yob 28:1-28
28 “Kaka ma jugolo i iye mola ma tar unutiman kaka ma julilo i iye mola ma kwar.
2 Jubed juwodho cuma kud i ng’om,man julenyo* mola kud i cana.
3 Dhanu bevoyo mudho;ecidho i ajiki mi ka ma col man mudho ma bii,pi niyenyo kidi ma pire tek.*
4 Etong’o vur bor ku kaka ma dhanu bedo i iye,i kabedo ma wijo wil ko, bor ku kaka ma dhanu wotho i iye;dhanu moko giloro i the ng’om, gilieriri i kum thol man githoriri.
5 Cam dongo iwi ng’om;ento yor i there, ng’om lokere ve ku mac.*
6 I kidi junwang’u safir,*man utur ke utie ku mola ma kwar.
7 Acuth moko acel de mbe m’ung’eyo yo maeno;wang’ acey de unene ngo.
8 Yedi ma kwiny moko mbe m’uwotho i wiye;nyathin umvor de fodi unyono ngo keca.
9 Dhanu goyo cana ma lake bith ku cinge;eng’ielo gudi ku wi kathegi.
10 Eriego ora mi pii i cana;wang’e libo gin ceke ma pire tek.
11 Eculo wang’ kuloman gin m’upondo ewodho i der.
12 Ento jucopo nwang’u rieko kani,man acaki mi nyang’ i lembe ni kani?
13 Ng’atu moko mbe ma ng’eyo bero pare,man ecopo nwang’ere ngo i ng’om mi ju ma kwo.
14 Pii ma thuc uwacu kumae: ‘Embe i iya!’
man nam uwacu kumae: ‘Embe i bang’a!’
15 Jucopo ng’iewe ngo ku mola ma kwar m’alili;kadi mola ma tar de jucopo pimo ngo kara juwile ko.
16 Jucopo ng’iewe ngo ku mola ma kwar mir Ofir,kadi kud oniks ma nwang’u tek man safir.*
17 Jucopo pore ngo ku mola ma kwar man kieu;kadi ajeni mi mola ma kwar ma julilo ku mac* de copo wile ngo.
18 Korai* man kristhal* uromo de ngo juwec pigi,kum rieko ma pong’ usau acel pire tek ma sagu kidi ma i upal ma pong’ usau acel.
19 Jucopo pore ngo ku thopaz mi Kuc;jucopo ng’iewe ngo kadok ku mola ma kwar m’alili.
20 Re rieko beai kani,man acaki mi nyang’ i lembe ni kani?
21 Jukane kud i wang’ gin ceke ma kwoman epanere ni winyo mi kor polo.
22 Nyoth man tho giwacu kumae:
‘Ithwa uwinjo ndhu rwonge kende.’
23 Mungu ung’eyo yo mi nwang’e;En kende re m’eng’eyo kaka m’ebedo i iye,
24 kum eneno cil i kajik mi tung’ ng’om,man eneno piny ceke m’i the polo.
25 Kinde m’eketho tego* mi yamuman epimo pii,
26 kinde m’eketho cik pi koth,man yo pi yamu ma tek mir afuru man lukoth,
27 e eneno rieko man ekoro iye;eketho ecungo man epime.
28 Man ewacu ni dhanu kumae:
‘Nen! lworo Yehova en e rieko,man nilokiri cen kud i kum lembe ma rac, en e nyang’ i lembe.’”
Korolembe mi There
^ I dhu Juebrania: “jukonjo.”
^ I dhu Juebrania: “kidi.”
^ Copere nia jubeweco iwi tic mi golo lonyo mi the ng’om.
^ Nen Thelembe mi wec iwi “Kidi ma pigi tek.”
^ Nen Thelembe mi wec iwi “Kidi ma pigi tek.”
^ Kunoke “ma leng’.”
^ Nen Thelembe mi wec.
^ Nen Thelembe mi wec iwi “Kidi ma pigi tek.”
^ I dhu Juebrania: “pek.”
