Yob 30:1-31
30 “Kawoni awobima gin adiyona ngo gibeng’iera,ju ma nwang’u acopo kwero niketho weggiubed ku gwogi m’ubed ukuro lim para.
2 Tego mi cing’gi ubedo ku kony ang’o ira?
Kero migi urwinyo.
3 Can ku kec uketho givoc;gimwodo ng’om m’uthwoma dong’ udaru nyothere man m’udong’ ni uvuru.
4 Ging’wedo lum ma nyakadu kadu i vunga;cam migi utie ulag yen m’udinyo.*
5 Juriemogi kud i kind dhanu;dhanu ukok i wigi calu ma jubed jukok ko iwi jakwo.
6 Gikwo i longoro,*i ka ma thwolo i ng’om man i cana.
7 Gibekok kud i kind vunga,man gicokiri karacelo i kind ayilayila.*
8 Calu wot jukusegu man dhanu ma kony migi mbe,*juriemogi* cen kud i ng’om.
9 Ento kawoni gibeng’iera kadok i wer migi;adoko igi ni jamcac.*
10 Gidaga man gikoyiri bor kuda;gibelworo ngo ning’ulo law i wang’a.
11 Pilembe Mungu umayu atum para* man ejwiga,gicoriri i vuta m’umbe macero.*
12 Giai malu yor i cinga ma yor acwic calu udul dhanu,gikonjo kuda ng’wecman giketho macero mi nyoth i yo para.
13 Ginyotho yo paraman giketho masendi para udoko rac magweima ng’atu moko de mbe m’ubecerogi.*
14 Gibino calu ve gimondo kud i wang’ gang’ m’umor ma lac;gibecoriri i kaka m’unyothere.
15 Ndiri umwonya,yung para uringo calu yamuman both para urwinyo calu afuru.
16 Kawoni kwo* para ubekonjere kud i iya;nindo mi can umaka.
17 Remo ukakere i cogona ku diewor,litho m’uwukini ubejik ungo.
18 Nikum tego ma dit, bongu para loko ayine;*calu ng’ut bongu para, ebedeya.
19 Mungu ubaya i ucodho;adoko ni utur man vuru.
20 Abewagu kony i beng’i, ento idwoko ira lembe moko ngo;acungo, ento inena ndhu anena kende.
21 Ilokiri ku kwinyo i kuma;itugo ali i dhoga ku tego mi cingi ceke.
22 Iting’a malu man itera karacelo ku yamu,e ithora kun ku kun i yamu ma tek.*
23 Kum ang’eyo nia ibitera piny i tho,i ot ma ju ceke ma kwo birombo i iye.
24 Ento ng’atu moko mbe ma bigoyo ng’atu m’urungere*kinde m’ebewak nia kony i saa mi can pare.
25 Nyo awak ungo pi ju ma gipodho i saa ma teki?*
Nyo abedo* ngo ku can pi jacani?
26 Kadok nwang’u ageno lembe ma ber, lembe ma rac re m’uwok;akuro der, ento mudho re m’ulund ubino.
27 Anyobanyoba m’i iya ujik ungo;nindo mi masendi unyego i dhoga.
28 Abewotho ceng’ini kaka ma col; der ceng’ umbe.
Acungo man akwayu kony i cokiri.
29 Adoko umin uthoman jarimb nyig udo.
30 Dend kuma udoko col man upodho;cogona ubewang’ nikum lietho.*
31 Adungu para udong’ ndhu pi wer wak kende,man usegu para pi dwal mi wak.
Korolembe mi There
^ Kunoke “lagwar.”
^ Kunoke “ndaba.”
^ Kunoke “awuu.”
^ I dhu Juebrania: “ma nying’gi mbe.”
^ I dhu Juebrania: “jugoyogi ku del.”
^ I dhu Juebrania: “lembabola; koy.”
^ Kunoke “giweko jamtwinyo wi kana.”
^ I dhu Juebrania: “ugonyo thondh athero para.”
^ Kunoke nyo “ma ng’atu moko de mbe m’ubekonyogi.”
^ Kunoke “ng’eyong’ec.”
^ Kunoke nyo “masendi para m’akeca uranju ayina.”
^ Kunoke nyo “iketho iya loy nikum ng’eny m’ang’eny ko.”
^ I dhu Juebrania: “uthuthu udhuru.”
^ Kunoke “ma ginwang’iri i nindo ma teki?”
^ Kunoke “nyo ng’eyong’ec para ubedo.”
^ Kunoke nyo “lietho ma cego kum.”
