Yob 31:1-40
31 “Atimo lembariba ku wang’a.
Dong’ acopo neno nyaku ma sumba i ayi m’umaku piny ungo nenedi?
2 Nwang’u makapiny para bedo ang’o niai malu i bang’ Mungu,man giralaga para niai malu i bang’ Jategokpo?
3 Nyo nyoth ubekuro ngo jatimrac,man can ubekuro ngo ju m’utimo lembe ma raci?
4 Nyo ebeneno ngo yo paraman ekwanu ngo dagutielo para ceke?
5 Nyo adaru wotho de i lemandha ngo?*
Nyo tienda cidho pio nicwayu ndra de?
6 Dong’ Mungu upima ku kilo ma tap,e ebineno bedocu para.
7 Tek dagutielo para ukier kud i yokunoke adundena ulubo tok wang’a,kadi ke cinga ucido,
8 dong’ wek acoy man ng’atu mange re m’ucam,man dong’ judoy cen gin m’apidho.*
9 Tek cwinya upodho iwi dhaku mokoman apondo m’abekiyo ko dhugola pa jadhugola para,
10 dong’ dhaku para ureg nying cam ni nico mange,man co mange gitim ribiri kude.*
11 Kum nwang’u eno ucibedo ni timo mi lewic,man kosa m’uromo jupoklembe gimii matira pire.
12 Nwang’u ecibedo ni mac ma wang’u man ma nyotho piny,*m’ewang’u ko kadok ulag* piny ceke m’abedo ko.
13 Tek akwero pokolembe m’atira ni jutic para ma co kadi ke ma nyirkinde ma gikelo adote* i kuma,
14 aromo timo ang’o ka Mungu ucungo i dhoga?*
Aromo dwoko ire ang’o kinde m’ekwayu awodh weli?
15 Nyo Ng’atu m’ucwiya i usau nyodo ucwiyo ngo gin bende?
Nyo en e Ng’atu ma rom ungo m’uyikowa i wang’ nyoliri mwa?*
16 Tek akwero nimiyo ni jucan gin ma gibemitokunoke anyayu can i wang’ dhatho;*
17 tek acamu cam para kendaman amiyo ngo moko ni nyithikic;
18 (kum niai ma fodi an aradu, nyathikic* udongo i bang’a calu ve atie won,man atelo wi dhatho* niai ma fodi a nyathin.*)
19 tek aneno ng’atu moko m’ubetho kum ekoso kendikunoke ng’atu ma jacan m’umbe ku gin m’eumere ko,
20 tek emiyo* ngo ira mugisapilembe agam amiyo ngo ire yuk rombe para kara emur ko kume;
21 tek akunjo cinga man ating’e i kum nyathikickinde m’etie ku yeny mi kony para i dhugang’;*
22 dong’ wek bota upodh kud i kum goka,man dong’ bota utur kud i the bota.
23 Kum ndiri ubino nega pi nyoth m’uai i bang’ Mungu,man nwang’u acopo cungo ngo i wang’ dwong’ pare.
24 Tek aketho genogen para i mola ma kwarkunoke awacu ni mola ma kwar ma julilo ku mac kumae: ‘In i bedomoth para!’
25 Tek anwang’u anyong’a para i lonyo para ma dit,pilembe atie ku piny dupa m’abedo ko;
26 tek aneno ceng’* uberienykunoke dwi ubewotho i leng’o pare;
27 man adundena ubidhere nyaling’ ling’,man dhoga ucwiyo cinga m’ebetimo ko thier igi,
28 e nwang’u eca tie kosa m’uromo jupoklembe gimii matira pire,kum nwang’u akwero Mungu mandha ma malu.
29 Nyo anyong’a nega de i kum nyoth pa jadeginakadi nyo mutoro nega de pi lembe ma rac m’uwok i wiye?
30 Aweko ngo nyanok de nia dhoga udubim’alame ko man akway nia etho.*
31 Nyo dhanu mi hema para giyero ngo kumae:
‘Ng’a ma copo nwang’u ng’atu moko ma cam* pare uyeng’e ngo?’
32 Umondo* moko mbe m’ubed uvuto woko;abed ayabu dhugola para ni jawotho.
33 Nyo apimo de niumo wi kier para calu dhanu mange,m’akan ko kosa para i jeba mi bongu para?
34 Nyo lworo ubed unega de i kum timo mir udul dhanu,kunoke nyo ndiri nega de nikum cac mi juruot mange,uketho nia abedo ling’ man alworo niwok woko?
35 Ka nwang’u ndhu ng’atu moko romo winja ba!
Nwang’u aciketho cinga man nyinga i the lembe m’ayero.
Dong’ Jategokpo udwok ira!
Ka nwang’u ndhu ng’atu m’udota ukiewo lembene i kithabu ba!
36 Nwang’u abiele wi goka,man nwang’u ariwe i wiya calu jamker mi wic.
37 Nwang’u adwoko wel ni Mungu pi dagutielo para ceke,nwang’u acoro i vute ku tegocwinya calu jadit ma wijo.
38 Tek ng’om para gira uwak i wiya,man sayune giwak karacelo;
39 tek acamu nyinge m’umbe niculo,kunoke tek aketho weggi* gibedo mbe ku genogen;
40 wek dong’ ukudho utwii ira kaka nganu,man lum ma ng’wice tik utwii kaka nganu ma juyuke.”
Wec pa Yob ujik kakeni.
Korolembe mi There
^ Kunoke nyo “ku dhanu ma yero ngo lemandha?”
^ Kunoke “wek jufudh nyikwaya.”
^ I dhu Juebrania: “wek co mange girum cong’gi i wiye.”
^ I dhu Juebrania: “ecamu (ewang’u) nitundo i nyoth.”
^ Kunoke “edoyo.”
^ Kunoke “lemkesi.”
^ Kunoke “ecungo i dhoga i kesi?”
^ I dhu Juebrania: “i usau nyodo?”
^ Kunoke “aketho wang’ dhatho uyim.”
^ I dhu Juebrania: “e.”
^ I dhu Juebrania: “niai i maa.”
^ I dhu Juebrania: “wiye.”
^ I dhu Juebrania: “piere miyo.”
^ Kunoke nyo “kum aneno jakonyna nuti i dhugang’.”
^ I dhu Juebrania: “der.”
^ Kunoke “man akway ko ng’eyong’ec pare.”
^ I dhu Juebrania: “ring’o.”
^ Kunoke “Jarabedo m’umondo.”
^ Kunoke “ng’eyong’ec mi weggi.”
