Yob 34:1-37
34 Elihu umedere ku dwoko wang’ lembe, ewacu kumae:
2 “Wuwinj wec para, wun ma wu riek;wuwinja, wun ma wung’eyo lembe lee.
3 Kum ith bilo wectap calu ma leb* bilo ko mido cam.
4 Wek wanenu iwa giwa gin m’atira;man wang’iyu i kindwa giwa gin ma ber.
5 Kum Yob uwacu kumae: ‘Ayero lemandha,ento Mungu ukwero nipoko lembe para atira.
6 Nyo nwang’u ukwayu acway vupoiwi kite ma nwang’u pokolembe para ucikere nibedo ko?
Rem para ukey ungo ma ke akier de ngo.’
7 Ng’atu mange ma kani ma calu Yob,m’ubemadhu cac calu pii?
8 Ebewotho ku jutimracman ebedikere ku dhanu ma reco.
9 Kum eyero kumae: ‘Ng’atini copo nwang’u bero moko ngoi kum tego m’ebetimo pi ninyayu anyong’a i Mungu.’
10 Pieno, wuwinja, wu dhanu ma wu weg nyang’ i lembe:*
Etie lembe ma copere ngo ni Mungu mandha nia etim rac,ni Jategokpo nia etim lembe ma rac!
11 Kum ebimiyo sukulia ni ng’atini nimakere ku gin m’ebetimoman ebikelo adwogi mi timo* pare i wiye.
12 Kum i andha, Mungu timo ngo lembe ma rac;Jategokpo nyotho ngo pokolembe m’atira.
13 Ng’a m’uketho etel wi ng’om,man ng’a m’uketho enen wi ng’om* zoo?
14 Tek eketho paru pare* i bang’gi,tek ecoko tipogi man yuyo migi i bang’e gire,
15 nwang’u dhanu* ceke tho karacelo,man nwang’u dhanu ceke udok i utur.
16 Dong’ tek itie ku nyang’ i lembe, cik ithi i kum lembe maeni,winj lembe m’abeyero e cuu.
17 Nyo ng’atu m’udagu lembe m’atira copo telo wijo?Kadi nyo iromo poko lembe iwi ng’atu ma tek ma pwe?
18 Nyo icopo yero ni ubimo kumae: ‘Kony peri mbe,’
kunoke ni weg yung kumae: ‘Wutie dhanu ma reco?’
19 Ng’atu moko nuti ma nyutho ngo akoyakoya ni judongo ma wijoman ma cwaku ngo jalonyo nisagu jacan,*kum gin ceke gi tic mi cinge.
20 Githo rek i diewor ma ling’;kumgi miel ku rac man girwinyo;kadok weg tego de jukabugi cen, ento ku cing’ dhanu ngo.
21 Wang’ Mungu n’i wi yo pa dhanu,man eneno dagutielo pare ceke.
22 Mudho kadi tipopiny ma bii moko mbema jutimrac copo pondo i igi.
23 Kum Mungu uketho ngo saa ni ng’atu moko cim’ecung ko i wang’e i pokolembe.
24 Eturo weg tego m’umbe niyenyo lembe i wigiman eketho jumange kakagi.
25 Kum eng’eyo gin ma gibetimo;eredhogi ku diewor, e girungiri.
26 Egoyogi pi racu migi,i kabedo ma dhanu ceke copo neno,
27 pilembe gilokiri cen kud i kum lubo tokeman giworo ngo yo pare moko acel de;
28 Giketho jacan wak i bang’e,kara ewinj wak mi ju ma jukony migi mbe.
29 Tek Mungu ubedo ling’, ng’a ma copo poko lembe i wiye?
Tek ekanu wang’e, ng’a ma copo nene?
Nik’ebed ni thek kadi ni ng’atu acel, adwogine ceke rom,
30 kara ng’atu ma woro ngo Mungu* kud ubimkunoke ecik uwic ni dhanu.
31 Kum ng’atu moko biyero ni Mungu nia,‘jumiyo ira matira ma ke adubo ngo;
32 ponja ku gin m’aneno ngo;tek atimo gin moko ma rac, nyo abidotime kendo ngo?’
33 Nyo nwang’u emii iri sukulia calu m’iyenyoma in ke ikwero pokolembe pare?
In re m’ing’ii, an ungo.
Dong’ yer ira gin m’ing’eyo cuu.
34 Dhanu ma weg nyang’ i lembe* ku ju ma riekma gibewinja gibiyero ira kumae:
35 ‘Yob ubeweco m’umbe ng’eyong’ec,man wec pare ukoso rieko.’
36 Wek jumul i Yob* nitundo i ajikikum dwokolembe pare utie calu mi jutimrac!
37 Ebemedo jai i kum dubo pare;ebepadu cinge ku cac i wang’waman ebemedo wec pare i kum Mungu mandha!”
Korolembe mi There
^ I dhu Juebrania: “dandjo.”
^ I dhu Juebrania: “adunde.”
^ I dhu Juebrania: “yo.”
^ Kunoke “ng’om ma jukwo i wiye.”
^ I dhu Juebrania: “adundene.”
^ I dhu Juebrania: “ring’kum.”
^ Kunoke “won yung nisagu ng’atu mi hali ma piny.”
^ Kunoke “ng’atu m’ujai.”
^ I dhu Juebrania: “adunde.”
^ Kunoke nyo “vwa, wek jumul i Yob.”
