Yob 38:1-41
38 E Yehova ugam udwoko lembe ni Yob kud i avuvu kumae:
2 “Eni tie ng’a m’ubenyotho wi juk paraman m’ubeweco m’umbe ng’eyong’ec e?
3 Akweyi, keyikiri calu co;abipenji ku penji man in ibinyutho ira.
4 Ibino kani kinde m’aketho the ng’omi?
Yer ira tek iparu nia ing’eyo.
5 Ng’a m’uketho kadhiri mi pimne tek ing’eyo,kunoke ng’a m’utelo thol mi pimopiny i kume?
6 Katherene umondo i ang’o,kunoke ng’a m’uketho kidi mi gulne,
7 kinde ma nyikaluku mi kugweno gikok karacelo kud anyong’aman wot Mungu* ceke gicaku woy ku mutoro?
8 Ng’a m’uciko ba nam ku dhugolakinde m’ebethwogere kud i vuje,*
9 kinde m’aronye kud afuruman aboye ku mudho ma bii,
10 kinde m’aketho kieu ireman aketho riune ku dhogolane,
11 e awacu kumae: ‘Icopo bino nitundo kae, ento kud ikadh bor,kuhaya mi mujanga peri bijik kakae’?
12 Nyo idaru* ng’olo lembe de ni kugwenokunoke iketho mombwa ung’eyo kakare,
13 kara emak ajiki mi ng’omman eyeng jutimrac giwok kud i iye?
14 Ng’om lokere calu m’ulobo lokere ko i ther ayi,*man piny ma n’i iye ginen terere calu jamruko mi bongu.
15 Ento jumayu der mi jutimrac cen kud i bang’gi,man botgi ma giting’o malu tur.
16 Nyo iloro piny kaka ma pii denyini i iye i the namkunoke nyo iwotho i the pii ma thuci?
17 Nyo ng’atu moko udaru nyutho iri dhugola mi tho,kunoke nyo ineno dhugola mi mudho ma bii?*
18 Nyo inyang’ de i kum lac pa ng’omi?
Yer ira tek ing’eyo gin maeni ceke.
19 Der bedo yo kani?
Man kabedo pa mudho ni kani,
20 kara itergi i ng’om migiman ing’ey gengi m’ucidho i kabedo migi?
21 Nyo ing’eyo lembe maeni pilembe nwang’u dong’ judaru nyoli,man wend oro* peri tie diti?
22 Nyo idaru mondo i dero mi pii m’umakere,kadi idaru neno dero mi pei,
23 m’agwoko pi nindo mi can,pi nindo mir ali, man mi lwinyi?
24 Der* lal kud i yo ma kaniman yamu ma yo nyangu koto iwi ng’om niai ku kani?
25 Ng’a m’utong’o ora ni pii m’upong’man m’ukaku yo ni yamu ma tek ma kud afuru, man morpolo,
26 pi niketho koth ucwii kaka ma ng’atu moko mbe ma kwo i iye,i langa kaka ma dhanu mbe i iye,
27 pi niyeng’o ng’om ngele m’udong’ ni uvuruman niketho lum utwii?
28 Nyo koth e won utie de,kunoke ng’a m’unyolo thoi?
29 Lungu pei uai kud i ng’aman ng’a m’unyolo thoi ma tar mi polo,
30 kinde ma wi pii uumere calu ve juumo ku kidi,man wi pii ma thuc utal udoko ma teki?
31 Nyo icopo twiyo thondh yung’ini mi Kima*kunoke nigonyo thondh yung’ini mi Kesil?*
32 Nyo icopo ketho yung’ini* moko wok i nindo parekunoke nyo icopo telo wi yung’ini mi Ac* karacelo ku wote?
33 Nyo ing’eyo cik m’ubetelo wi polo,kunoke nyo icopo ketho ng’om ubed i the loc migi?*
34 Nyo icopo ting’o dwendi malu nitundo i bang’ afurupi niketho pii m’upong’ uumi?
35 Nyo iromo oro lukoth?
Nyo gibibino man gibiyero iri kumae: ‘Wani e!’
36 Ng’a m’uketho rieko i afurukadi m’umiyo nyang’ i lembe ni gin ma wang’u ijo ma timere i kor polo?
37 Ng’a ma riek lee m’ecopo kwanu ko afuru,kadi ke ng’a ma copo lung’o dhug agulupii mi polo
38 kinde m’utur ubemol ni ucodhoman lungu ng’om ubemakere karacelo?
39 Nyo icopo dwaru cam ni umvorkunoke nyo icopo daru mido dhok pa nyithindh umvor
40 kinde ma girieyo igi i odigikunoke givuto pi nikanu libo i kabedo migi?
41 Ng’a ma yiko cam ni ungorokinde ma nyithindhgi wak pi nikwayu kony i bang’ Munguman gibewotho kun ku kun pilembe gikoso gin ma gicami?
Korolembe mi There
^ Eno tie wec mi lembabola mi dhu Juebrania ma nyutho jumalaika ma gi wot Mungu.
^ I dhu Juebrania: “ic.”
^ I dhu Juebrania: “i nindo peri.”
^ Kunoke “kace.”
^ Kunoke “tipopiny mi tho?”
^ I dhu Juebrania: “nindo.”
^ Kunoke nyo “Lukoth.”
^ Copere eno tie njuru nyikaluku ma nwang’ere i yung’ini mi Taurus.
^ Copere eno ubenyutho yung’ini mi Orion.
^ I dhu Juebrania: “Mazaroth.” I 2Ub 23:5, wec m’uyenyo rombo ku maeno ma jutiyo ko pi ninyutho piny ma dupa ubenyutho yung’ini mi zodiak.
^ Copere eno ubenyutho yung’ini ma julwong’o Urudi ma dit.
^ Kunoke nyo “Pare.”
