Yob 39:1-30
39 “Nyo ing’eyo saa ma diegi mi gudi nyol i iye?
Nyo idaru neno ruda kinde ma gibenyolo nyithindhgi?
2 Nyo ikwanu wend dwi ma gidhuro i iye?
Nyo ing’eyo saa ma ginyol i iye?
3 Girum piny pi ninyolo nyithindhgi,e igi m’uremo gam jik.
4 Nyithindhgi doko tek man gidongo i lum;gicidho man gidwogo ngo i bang’gi.
5 Ng’a m’uweko kana mi lum ubed agonya,man ng’a m’ugonyo thol pa kana mi lumi?
6 Aketho pambu mi langa ni pacu pareman ng’om kadu ni kabedo pare.
7 Ecayu woy mir adhura,man ewinjo ngo woy pa ng’atu m’ubeleko the lei.
8 Eringo iwi gudi m’ebeyenyo ka lum,eyenyo kit lum moko ci ma numu.
9 Nyo thwon dhiang’ mi lum copo bedo ayika nitimo iri?
Nyo ebitimo diewor traka i dwol* peri?
10 Nyo ibitiro wi thwon dhiang’ mi lum ku thol kara eried iri leni i podho,kunoke nyo ebilubo toki pi nifuro* poga?
11 Nyo ibigeno tego pare ma dwong’man ibiweke etim tic peri ma teki?
12 Nyo ibigene nia ebidwogo cam* peri i pacu,man nyo ebicokogi i lela peri mi fwodo cami?
13 Udo padu vombe kud anyong’a,re nyo ukondone man yuke urombo ku pa nunda?
14 Kum ewenjo tonge i ng’om,man eumo kumgi kud utur kara gibed mor.
15 Wiye wil nia tielo moko copo loyogikunoke nia lei mi lum copo nyonogi.
16 Etimo wote yanga yanga ve nia gi pare ngo,lworo nege ngo nia ecopo sendere ku tic mananu.
17 Kum Mungu utwone* ku riekoman emiyo ngo ire nyang’ i lembe.
18 Ento kinde m’eai malu man epadu vombe,eng’iero riuni ku ng’atu m’uberingo kude.
19 Nyo in re m’imiyo tego ni riuni?
Nyo in re m’iumo ng’ute ku muzuga?
20 Nyo icopo ketho epor ve bonyo?
Kuzo m’ekuzo ko ma tek nyayu lworo.
21 Enyono ng’om i poga, man epor ku tego;emondo i lwiny.*
22 Ecayu lworo man elworo ngo gin moko.
Eloko ngo ku ng’eye i wang’ palamularu.
23 Thubu yengere i wiye,tong’ man tong’ m’adundo ma lakgi rieny.
24 Kume miel kum etie kud amora, epor i wang’e,*ecopo cungo ngo dii* kinde m’ewinjo dwand bilo.
25 Kinde ma bilo uwak, eyero kumae: ‘Aha!’
Eng’wiyo ng’wic lwiny ku borman ewinjo kok mi judong askari ku kok mi lwiny.
26 Nyo en e nikum rieko peri re m’abiba tuk,m’erieyo ko vombe yo piny?
27 Kunoke nyo etie nikum lembang’ola peri re m’acur tuk maluman egiero ode lir lir;
28 etimo diewor traka i lak cana,ebedo i ot ma tek pare ma ni lak cana?
29 Ku keca re m’esayu cam,wang’e neno piny bor.
30 Nyithindhe gicwiyo rimo;man kaka moko ci m’avu n’i iye nwang’u en de eni keca.”
Korolembe mi There
^ Kunoke “wer.”
^ Kunoke “niteng’o.”
^ I dhu Juebrania: “kodhi.”
^ I dhu Juebrania: “uketho wiye uwil.”
^ I dhu Juebrania: “ewok woko pi nirombo ku jamlwiny.”
^ I dhu Juebrania: “emwonyo ng’om.”
^ Kunoke nyo “eyiyo ngo.”
