Yob 4:1-21
4 E Elifaz ma Jatheman udwoko kumae:
2 “Tek ng’atu moko ubepimo niweco i beng’i, nyo ibiciro niwinje?
Kum ng’a ma copo cerere niweco?
3 Andha, itwinyo dhanu dupa,man ibed itielo cing’ ma ng’ic.
4 Wec peri ubed uketho ng’atu m’ubekier cungo,man ibed itielo ju ma cong’gi ubemiel.
5 Ento kawoni ewok i wii, e cwinyi ung’abere;*emulo kumi, e ndiri umeki.
6 Lworo peri m’ilworo ko Mungu miyo ngo iri tegocwinyi?
Nyo yo mi bedocu m’iwotho i iye umiyo ngo iri genogeni?
7 Akweyi, kepoy: ng’atu ma lembe mbe i wiye ma kani m’udaru nyothere?
Ng’atu m’atira udaru nyothere awene?
8 Gin m’aneno utie nia, ju ma gifuro* gin ma racman ju ma gicoyo can gibikayu gin ma rom.
9 Girwinyo nikum yuyo pa Mungu,man ng’eicwiny pare m’umoc jigo wigi.
10 Umvor rundo, man nyathin umvor twak,ento kadok lak umvor* ma tek de tur.
11 Umvor tho nikum cam m’umbe,man nyithindh umvor gilal.
12 Jukelo wec moko ira i amung’,man wecne ma mung’ mung’ utundo i itha.
13 Ku diewor saa ma nindo ma pek podho i iye iwi dhanu,anwang’u gin ma wok i wang’ m’usendo paru para.
14 Mielkum ma dit ubino i wiya,epong’o cogona ceke ku ndiri.
15 Tipo moko ukadhu kud i wang’a;yuk kuma ucaku dongo.
16 Ecungo ling’,ento ang’iyo ngo kite.
Ayi moko ubino i wang’a;piny uling’ ting’, e awinjo dwal moko ubeyero kumae:
17 ‘Nyo dhanu ma tho romo bedo pwe ma sagu Mungu?
Nyo ng’atini copo bedo leng’ ma sagu Jacwic pare?’
18 Nen! egeno ngo jutic pare,man enwang’u kosa i jumalaika* pare.
19 Dong’ ebinwang’u ngo kosa m’usagu i ju ma gikwo i udi mir ulobo,ma kathere migi n’i utur,ma jurungogi yot yot calu ukoko!*
20 Gikwo kugweno, uthieno ke githo magwei;man ng’atu moko mbe ma dieng’ pi lembene.
21 Nyo gi calu hema ma jukabu thondhe ngo?
Githo m’umbe rieko.
Korolembe mi There
^ I dhu Juebrania: “iol.”
^ Kunoke “ju ma gipangu.”
^ Kunoke “nyithi thwondh umvor.”
^ Kunoke “jukwenda.”
^ Kunoke “alimbere.”
