Yob 40:1-24
40 Yehova umedo nidwoko lembe ni Yob kumae:
2 “Nyo jayeny kosa ucikere nipiemere ku Jategokpo?
Dong’ ng’atu m’ubemito twinyo Mungu udwok lembe.”
3 Yob udwoko lembe ni Yehova kumae:
4 “Nen! aromo ngo.
Acopo dwoko iri ang’o?
Abibedo ling’.
5 Aweco wang’ ma kwong’a, ento abidwoko ngo lembe kendo;wang’ mir ario, ento abimedo ngo kendo.”
6 E Yehova udwoko lembe ni Yob kud i kind avuvu kumae:
7 “Akweyi, keyikiri calu co;abipenji ku penji man in ibinyutho ira.
8 Nyo ibibedo ku jiji iwi* bedopwe para?
Nyo ibipoko lembe rac i wiya kara in re m’ibed ku haki?
9 Nyo boti utie ku tego calu bot Mungu mandha,kunoke nyo dwendi copo mor calu dwande?
10 Akweyi, kerukiri ku dwong’ man tego;ronyiri ku yung man leng’o.
11 Wek kwinyo ma lake tek umeki;nen ng’atu moko ci ma jakuhaya, man ilore piny.
12 Nen ng’atu moko ci ma jakuhaya, man ijwige,nyon jutimrac ku kaka ma gicungo i iye.
13 Kangi ceke i utur;twiigi* i kaka m’upondo,
14 e kadok an de abiyiyo iri*nia cingi mir acwic romo bodhi.
15 Kawoni, kenen Behemoth* m’acwiyo calu m’acwiyo in.
Ecamu lum calu thwon dhiang’.
16 Kenen tego mi piereman tego mi ring’kum ma n’i the iye.
17 Eciko yibe calu yend tido;man ler mi bambe ukadere karacelo.
18 Cogone tie ve mola ma igi roko,tiende tie calu uluth mi cuma ma jufwodo afwoda.
19 Etie ma kwong’a* i kind cwic pa Mungu;Ng’atu m’ucwiye kende re ma copo coro i bang’e ku palamularu pare.
20 Kum gudi cego ire cam,kaka ma yedi ceke mi lum tuko i iye.
21 Evuto i the vunga,*i the tipo agada mi jugu.
22 Vunga umo wiye ku tipogi,man mbegu mi poga* twode tingili.
23 Kadok kulo ubedhenyini, ndiri make ngo.
Cwinye tek, kadok kulo Yordan ubecorere i kum dhoge.
24 Nyo ng’atu moko copo make kinde m’ebeneno,kunoke copo tong’o ume ku goli?*
Korolembe mi There
^ Kunoke “ibithiro.”
^ I dhu Juebrania: “twii wang’gi.”
^ Kunoke “aromo foyi.”
^ Copere nia eno tie raw.
^ I dhu Juebrania: “etie acaki.”
^ Eni ubino vunga mir ukudho mi jugu ma julwong’o lotis.
^ Kunoke “ndaba.”
^ I dhu Juebrania: “uwic.”
