Yob 41:1-34
-
Mungu koro pi Leviathan ma wang’u ijo (1-34)
41 “Nyo icopo jaku Leviathan* ku gol mi rec,kunoke nyo iromo twiyo lebe ku tholi?
2 Nyo icopo royo thol* i odi umekunoke nyo icopo tuco dinge ku goli?*
3 Nyo ebipaku dhoge wang’ dupa iri,kunoke nyo ebiweco i beng’i ku dwande ma yoo?
4 Nyo ebitimo lembariba kudikara idwoke ni ng’eca peri pi nja?
5 Nyo ibituko kude calu m’ituko ku winyokadi ke nyo ibitwiye ku thol ni nyithi anyira peri?
6 Nyo judwarnam gibilwore?
Nyo gibipoko iye ni jukuloka?
7 Nyo ibicobo ng’eye ku tong’ dupakunoke wiye ku tong’ mi cobo reci?
8 Keketh cingi i kume;e ibipoy pi lwiny man ibipimo kendo ngo!
9 Jucopo ii kpe nibimo wiye.
Ninene anena ci binyayu ndiri i ii.*
10 Ng’atu moko mbe ma copo pimo niroke.
Ka dong’ ng’a ma romo cungo i dhoga ke?
11 Ng’a m’ular umiyo ira gin moko ma nia acikara niculo ire kawang’e e?
Piny ceke ma n’i the polo tie para.
12 Abiling’ ungo pi tiende,pi tego pare, man pi kume m’ucwiyere ma leng’.
13 Ng’a m’uwodho kendi pare ma yo woko?
Ng’a ma bimondo i dinge m’uyabere?
14 Ng’a ma copo yabu dhoge* ku kero?
Lake m’urieyo kun ku kun nyayu ndiri.
15 Apokane urieyo leni* i die ng’eye;gitwiyiri kikiki karacelo.
16 Apokaneman umoko kii i kum wadima yamu de romo kadhu ngo i kindgi.
17 Gitwiyiri i kindgi;gimoko karacelo man kindgi romo pokere ngo.
18 Giro pare milo der,man wang’e calu der mi mombwa.
19 Der m’ubemil wok kud i dhoge,man mac m’umoc kilere woko.
20 Yiro thwogere kud i odi ume,calu uka ma judhuro usi i iye.
21 Yuyo pare opo cugimac,man lebmac kilere woko kud i dhoge.
22 Tego ma dit n’i ng’ute,man lworo maku gin moko ci m’urombo kude.
23 Adila mi ring’ kume gimoko kii karacelo;gimoko ma tek calu ve jumwonogi amwona i kume, man gialiri ngo.
24 Adundene tie tek ve kidi,eyo, e tek ve kidi rego ma yor i there.
25 Kinde m’eai malu, lworo maku kadok jurukara;kite m’evudhere ko nyayu akpal.
26 Palamularu moko mbe m’utundo i bang’e ma bivoye;kadi tong’, kadi athero, kadi lak dindo tong’.
27 Eneno cuma calu soka,man mola calu yen m’utop.
28 Eringo ngo athero;kidi mi lacur doko calu lum ire.
29 Eneno undoy calu lum,man eng’iero woy mi tong’.
30 The iye utie calu adekele ma lake bith;evuto iwi ucodho calu bau mi fwodo nying cam.
31 Eketho pii ma thuc walini calu i agulu;etugo nam calu agulu mi mo mi wirojo.
32 Eweko batiende dong’ ma tar.
Ng’atini copo paru nia lwar re m’utwii iwi pii.
33 Gin moko mbe ma calu en iwi ng’om,en e giracwiya ma lworo ngo gin moko.
34 Eneno gin moko ci ma kuhaya n’i iye ku kwinyo.
En e ubimo iwi yedi ceke ma dongo mi lum.”
Korolembe mi There
^ Copere eno tie nyang’.
^ Eno ubenyutho thol ma jukiedo ku lum m’uthwo.
^ I dhu Juebrania: “ukudho.”
^ Kunoke “biboli i ng’om.”
^ I dhu Juebrania: “dhugola mi wang’e.”
^ Kunoke nyo “apokane m’urieyo leni re ma tie kuyunga pare.”
