Yob 5:1-27
5 “Akweyi, kelwong’! Nyo ng’atu moko tie m’ubedwoko iri?
Ibilokiri i bang’ ng’a m’i kind ju ma leng’i?
2 Kum akece binego jakasegu,man kumira binego ng’atu ma yiyo lembe ngbaku.
3 Aneno jakasegu ubeguro ulage,ento rek kumeni, julamu kabedo pare.
4 Wote gini bor ku bedomoth,man jurungogi i dhugang’ mir adhura, ma ng’atu moko mbe m’ubodhgi.
5 Ng’atu ma kec ubenego camu gin m’ekayu,egamugi kadok kud i kind ukudho,man piny migi umoko i uwic.
6 Kum piny ma reco twii ngo kud i utur,man peko wok ungo kud i ng’om.
7 Kum dhanu nyolere pi peko,tap calu ma mac m’umoc kilere ko malu.
8 Ento nwang’u acipido i bang’ Mungu,man nwang’u atero kesi para i bang’ Mungu,
9 i bang’ Ng’atu m’utimo gin ma dwong’,man piny ma junyang’ i kumgi ngo,piny ma wang’u ijo, ma kwaniri ngo.
10 Eketho koth cwii iwi ng’omman eoro pii i podho.
11 Eting’o ng’atu ma nok malu,man eting’o ng’atu m’uvoc malu pi ninwang’u both.
12 Enyotho gamba mi ju ma riek,uketho cing’gi copo timo ngo gin ma gikeco.
13 Emaku jurieko i uwic mi rieko migi,uketho juk mi jurieko timo tic ungo.
14 Girombo ku mudho dieceng’,man githambini ku dieceng’ ma ling’ calu vediewor.
15 Ebodho kud i lak palamularu m’i dhoggi,ebodho jacan kud i cing’ ng’atu ma tek.
16 Ketho nia genogen bedo nuti ni ng’atu ma nok,ento dhu jatimrac bedo acika.
17 Nen! jamutoro tie ng’atu ma Mungu juko;pieno kud ikwer twiny pa Jategokpo!
18 Kum enyayu litho, ento eriwo wang’ rembe;eturo, ento ekeye ku cinge gire.
19 Ebibodhi kud i can abusiel,kadok mir abirone de bitimi rac ungo.
20 I saa mi ndru, ebibodhi* kud i tho,man kud i tego mi palamularu i saa mi lwiny.
21 Ibibedo agwoka i kum goco mi leb,man ibilworo ngo nyoth kinde m’ebibino.
22 Ibicayu nyoth man kec,man ibilworo ngo yedi m’i lum mi ng’om.
23 Kum kidi m’i podho bitimi rac ungo,man yedi m’i lum bibedo ku kwiyocwiny kudi.*
24 Ibing’eyo nia hema peri tie museme,*man gin moko acel de mbe ma bikoso kinde m’ibeliewo luba peri.
25 Ibibedo kud awiya dupa,man nyikweyi bipong’ bik ve uboko m’i ng’om.
26 Ibibedo asu ku tego kinde m’ibeloro i liel,calu kanga mi nying cam ma jucoko i nindo migi.
27 Nen! wang’iyo i lembe maeni, man etie kumeni.
Winje man iyiye.”
Korolembe mi There
^ I dhu Juebrania: “ebiweri.”
^ Kunoke “bitimo lembariba, (winjiri) kudi.”
^ I dhu Juebrania: “kwiyocwiny.”
