Yocuwa 12:1-24
12 Maeni jubim m’i ng’om ma Juisrael givoyo man ma gimaku ng’om migi yo nyangu mi Yordan, niai i Poga* mir Arnon niidho i kum Got Hermon man Araba ceke ku yo nyangu:
2 Ubimo Sihon mi Juamor m’ubed ukwo i Hecbon; ebed ebimo wi Aroer ma n’i dhu Poga* mir Arnon, man niai i diere mi pogane ku nusu Gilead nitundo bir i Poga mi Yabok ma tie kieu mi Juamon.
3 Ebimo bende wi Araba nitundo bir i nam mi Kinereth* yo nyangu, nicidho bir i Nam mir Araba, niwacu Nam kadu* ku yo nyangu yor i bang’ Beth-yecimoth, man yo piny i the lung’ mi Pisga.
4 Juisrael gimaku bende ng’om p’Ubimo Og mi Bacan m’ubino i kind ju ma tokcen mi Jurefaim man m’ubed ukwo i Actaroth man i Edrei.
5 Ebed ebimo iwi ng’om m’ucoko Got Hermon, Saleka man Bacan ceke nitundo bir i kieu mi Jugecur man mi Jumaakath, man wi nusu Gilead nitundo i ng’om p’Ubimo Sihon mi Hecbon.
6 Musa ma jatic pa Yehova ku Juisrael givoyogi. I ng’ey maeno Musa ma jatic pa Yehova umiyo ng’om migi ni aba ni suru pa Ruben, ni suru pa Gad, man ni nusu mi suru pa Manase.
7 Maeni utie jubim mi ng’om ma Yocuwa ku Juisrael givoyo yo reto mi Yordan, niai i Baal-gad i Poga mi Lebanon nicidho bir i Got Halak m’uidho i Seir. I ng’ey maeno Yocuwa umiyo ng’om migi ni suru mir Israel ni aba ni makapiny migi.
8 Ng’ombe ubino ng’om gudi, Cefela, Araba, lung’, langa, man Negeb, niwacu ng’om mi Juhithi, Juamor, Jukanan, Juperizi, Juhivi, man Juyebusi.
9 Ubimo mi Yeriko, acel; ubimo mi Ai m’ubino i ng’et Bethel, acel;
10 ubimo mi Yeruzalem, acel; ubimo mi Hebron, acel;
11 ubimo mi Yarmuth, acel; ubimo mi Lakic, acel;
12 ubimo mir Eglon, acel; ubimo mi Gezer, acel;
13 ubimo mi Debir, acel; ubimo mi Geder, acel;
14 ubimo mi Horma, acel; ubimo mir Arad, acel;
15 ubimo mi Libna, acel; ubimo mir Adulam, acel;
16 ubimo mi Makeda, acel; ubimo mi Bethel, acel;
17 ubimo mi Thapua, acel; ubimo mi Hefer, acel;
18 ubimo mir Afek, acel; ubimo mi Lacaron, acel;
19 ubimo mi Madon, acel; ubimo mi Hazor, acel;
20 ubimo mi Cimron-meron, acel; ubimo mir Akcaf, acel;
21 ubimo mi Taanak, acel; ubimo mi Megido acel;
22 ubimo mi Kedec, acel; ubimo mi Yokneam i Karmel, acel;
23 ubimo mi Dor i lung’ mi Dor, acel; ubimo mi Goim i Gilgal, acel;
24 man ubimo mi Tirza, acel; gin zoo gibino jubim pier adek wi acel.
Korolembe mi There
^ Kunoke “Ndaba.”
^ Kunoke “Ndaba.”
^ Niwacu nam Genezareth, kunoke nam Galilaya.
^ Niwacu Nam m’utho.
