Zaburi 10:1-18
ל [Lamed]
10 E Yehova, pirang’o icungo bori?
Pirang’o ipondo i saa mi cani?
2 Jatimrac uberiemo tok ng’atu ma jakony pare mbe ku kuhaya,Ento ebimoko en gire i gamba m’ecamu.
3 Kum jatimrac ubelulere pir awanya* pare ma racMan ebemiyo mugisa ni ng’atu ma ketho cwinye hai i kum piny*נ [Nun]Eworo ngo Yehova.
4 Ting’iri pa jatimrac ketho esayu ngo lembe;Paru pare ceke tie kumae: “Mungu mbe.”
5 Yo pare medere nidoko miero,Ento enyang’ ungo i pokolembe peri;Ecayu* judhoge ceke.
6 Ewacu yor i adundene kumae: “Gin ma biyenga mbe;Niai i kum dhanu m’utuk cil i kum dhanu m’utukAbineno ngo nyoth.”
פ [Pe]
7 Dhoge upong’ kud alam, vupo, man dhaw;The lebe upong’ ku yakini man gin ma timojo rac.
8 Ekanu libo ceng’ini ku pacu m’i ng’ete;Niai kaka m’epondo i iye enego ng’atu m’udubo ngo.
ע [Ayin]
Wang’e ubesayu ng’atu ma jaruvwa.
9 Ebekuro i kapondo pare calu umvor m’uvuto i ode.
Ebekuro nimaku ng’atu ma jakony pare mbe.
Emaku ng’atu ma jakony pare mbe kinde m’ebedolo voi pare.
10 Erungo ng’atu m’emakune man ebole i ng’om;Juruvwa gipodho i the lwete.*
11 Ebeyero i adundene kumae: “Wi Mungu uwil.
Eloko wang’e cen.
Eneno ngo gin moko.”
ק [Kof]
12 Ai malu, E Yehova. Ting’ cingi malu, E Mungu.
Wii kud uwil ku ju ma jukony migi mbe.
13 Pirang’o jatimrac ubeworo ngo Mungu?
Ebeyero i adundene kumae: “Ibikwayu ngo awodh wel.”
ר [Rec]
14 Ento ibeneno cuu yakini ku masendi.
Ibeneno man ibiyiko lembene.
Jaruvwa ubelokere i beng’i;In i jakony pa nyathikic.*
ש [Cin]
15 Tur bot jatimrac man ng’atu ma rac,Kara kinde m’ibisayu racu pare,Ibinwang’e ngo.
16 Yehova en Ubimo rondo ku rondo.
Thek udaru rwinyo kud i wang’ ng’om.
ת [Taw]
17 Ento ibiwinjo kwac mi ju ma mol, E Yehova.
Ibiketho adundegi ucung nging’ nging’ man ibiciko ithi yor i bang’gi.
18 Ibiketho lembe upokere pwe ni nyithikic man ni ju ma jurungo,Kara dhanu ma tho mi ng’om e kud unyay lworo i igi kendo.
Korolembe mi There
^ Kunoke “awanya pa ng’eyong’ec.”
^ Kunoke nyo “ng’atu ma ketho cwinye hai i kum piny ubemiyo mugisa i wiye gire.”
^ Kunoke “Ekuzo iwi.”
^ Kunoke “lwete ma tie ku tego.”
^ Kunoke “nyathin ma won utho.”