Zaburi 108:1-13
Wer pa Daudi.
108 Adundena ucungo nging’ nging’, E Mungu.
Abiwero wer man abigoyo mizik ku dwong’ para ceke.
2 Cew, E jamgoyo wer ma juthondhe; in bende, E adungu.
Abicewo mombwa.
3 Abipeki i kind dhanu, E Yehova,Abiwero iri wer mi pak* i kind thek.
4 Kum mer peri ma lokere ngo e dwong’, e ni malu ve polo,Man bedoleng’ peri de cidho cil i kum afuru.
5 Dodiri malu iwi polo, E Mungu;Wek dwong’ peri ubed iwi ng’om zoo.
6 Kara ju m’imaru gibothi,Bodhwa ku cingi mir acwic man dwok ira lembe.
7 Mungu ma leng’ uwacu kumae:*
“Anyong’a binega nimiyo Cekem ni giralaga,Man abipimo Poga* mi Sukoth.
8 Gilead en e para, tap calu ma Manase de para,Efraim tie sabu* mi wiya;Yuda ke tie uluth mi bim para.
9 Moab en e sani mi logo para.
Abibolo wara para iwi Edom.
Abikok ku kok mir aloci iwi Filistia.”
10 Ng’a ma bitera i adhura ma teki?
Ng’a ma bitera bor nitundo i Edomi?
11 Nyo tie in ungo m’iwenjowa, E Mungu,Mungu mwa ma dong’ cidho ngo kud udul askari mwa?
12 Konywa i masendi mwa,Kum both ma ai i bang’ dhanu tije mbe.
13 Nikum Mungu wabinwang’u tego,Man ebinyono judegi mwa i the tiende.
Korolembe mi There
^ Kunoke “Abigoyo mizik.”
^ Kunoke nyo “Mungu wacu kumae niai kud i kabedo pare ma leng’.”
^ Kunoke “Pambu mi poga.”
^ I dhu Juebrania: “ot ma tek.”
