Zaburi 11:1-7
Ni jatel wi wer. Pa Daudi.
11 Apondo i bang’ Yehova.
Dong’ nenedi iromo yero ira* kumae:
“Ring ve winyo iwi got peri!
2 Nen kite ma jutimrac gigomo ko i athero;Giciko nying athero iwi thondhe,Pi nikilo ju m’adundegi atira niai kud i mudho.
3 Ka jurwombo kathere mi bedopwe,*Weg bedopwe giromo timo ang’o?”
4 Yehova n’i hekalu pare ma leng’.
Komker pa Yehova n’i polo.
Wang’e neno, eyo, wang’e* ng’iyo wot dhanu.
5 Yehova ng’iyo won bedopwe man jatimrac;Edagu* ng’atu moko ci m’umaru rop.
6 Ebiketho uwic* bicwii iwi jutimrac;Mac ku muganga man yamu ma thwoyo piny bibedo makapiny mi kikombe* migi.
7 Kum Yehova en e pwe; emaru tic mi bedopwe.
Ju m’atira gibineno wang’e.*
Korolembe mi There
^ Kunoke “ni ng’eyong’ec para.”
^ I dhu Juebrania: “kathere.”
^ Kunoke “wang’e m’uberieny.”
^ Kunoke “Ng’eyong’ec pare dagu; En zoo edagu.”
^ Kunoke nyo “cugimac m’ubeliel.”
^ Kunoke “kopo; kalisi.”
^ Kunoke “gibinwang’u bero pare.”