Zaburi 111:1-10
111 Wupak Yah!*
א [Alef]
Abipaku Yehova kud adundena cekeב [Beth]I ungu mi ju m’atira man i cokiri.
ג [Gimel]
2 Tic pa Yehova gi dongo;ד [Daleth]Dhanu ceke ma gimarugi giponjogi.
ה [He]
3 Gin m’etimo tie dwong’ man leng’ו [Waw]Man bedopwe pare bedo rondo ku rondo.
ז [Zayin]
4 Eketho jupoy i kum tic pare ma wang’u ijo.
ח [Heth]
Yehova tie jabero* man jakisa.
ט [Teth]
5 Emiyo cam ni ju m’ulwore.
י [Yod]
Epoy i kum lembariba pare pi rondo ku rondo.
כ [Kaf]
6 Enyutho tego mi tic pare ni dhanu pareל [Lamed]M’emiyo ko igi giralaga mi dhanu mi thek mange.
מ [Mem]
7 Tic mi cinge gin andha man atira;נ [Nun]Lembang’ola pare ceke giromo jugengi.
ס [Samekh]
8 Gicungo ma tek* saa ceke; kawoni man rondo ku rondo;ע [Ayin]Ukungu migi zoo tie lemandha man bedopwe.
פ [Pe]
9 Emiyo gony* ni dhanu pare.
צ [Tsade]
Eng’olo nia lembariba pare bibedo rondo ku rondo.
ק [Kof]
Nyinge tie leng’ man eng’oyo ndiri.
ר [Rec]
10 Lworo Yehova utie acaki mi rieko.
ש [Sin]
Dhanu ceke ma gibeworo lembang’ola* pare ginyutho rieko ma dit.
ת [Taw]
Pak pare bedo rondo ku rondo.
Korolembe mi There
^ Kunoke “Aleluya!” “Yah” utie nying’ ma Yehova i adundo.
^ Kunoke “won ngisi.”
^ Kunoke “Jugenogi.”
^ I dhu Juebrania: “war.”
^ I dhu Juebrania: “gi.”