Zaburi 112:1-10
112 Wupak Yah!*
א [Alef]
Jamutoro tie ng’atu m’ulworo Yehova,ב [Beth]M’anyong’a nege lee i kum lembang’ola pare.
ג [Gimel]
2 Nyikwaye gibibedo ku tego iwi ng’om,ד [Daleth]Man mugisa bikwanyu dhanu m’utuk mi ju m’atira.
ה [He]
3 Piny man lonyo n’i ot pare,ו [Waw]Man bedopwe pare bedo rondo ku rondo.
ז [Zayin]
4 Erieny calu der i mudho ni ju m’atira.
ח [Heth]
E jabero,* jakisa, man e pwe.
ט [Teth]
5 Lembe biwotho ma ber ni ng’atu ma miyo banja ku berocwinye.
י [Yod]
Etelo wi lembe pare ku bedopwe.
כ [Kaf]
6 Gin ma biyenge acel de mbe.
ל [Lamed]
Jubipoy i kum won bedopwe pi rondo ku rondo.
מ [Mem]
7 Ebilworo ngo rwonglembe ma rac.
נ [Nun]
Adundene ucungo nging’ nging’, egeno Yehova.
ס [Samekh]
8 Adundene ubemiel ungo;ע [Ayin]Lworo ubenege ngo; i ajiki ebineno wi judegi pare ku wang’ mir aloci.
פ [Pe]
9 Epoko ku berocwinye; emiyo ni jucan.
צ [Tsade]
Bedopwe pare bedo mi nja.
ק [Kof]
Tego* pare bimedere ku dwong’.
ר [Rec]
10 Jatimrac bineno man lembene biton i iye.
ש [Cin]
Ebikayu lake man ebiloy.
ת [Taw]
Yeny mi jutimrac birombo ngo.
Korolembe mi There
^ Kunoke “Aleluya!” “Yah” utie nying’ ma Yehova i adundo.
^ Kunoke “won ngisi.”
^ I dhu Juebrania: “Tung’.”
