Zaburi 115:1-18
115 Iwa ngo, E Yehova iwa ngo,*Ento mii dwong’ ni nyingiNikum mer peri ma lokere ngo man bedoleng’ peri.
2 Pirang’o thek giwac kumae:
“Mungu migi ni kani?”
3 Mungu mwa n’i polo;Etimo gin moko ci ma iye maru.
4 Ayi gin m’acwiya migi gi mi mola ma tar man mi mola ma kwar,Gi tic ma cing’ dhanu timo en.
5 Dhoggi nuti, ento giweco ngo;Wang’gi nuti, ento gineno piny ungo;
6 Ithgi nuti, ento giwinjo ngo;Umgi nuti, ento ging’wiyo piny ungo;
7 Cing’gi nuti, ento gimulo piny ungo;Tiendgi nuti, ento giwotho ngo;Dwal moko mbe ma wok kud i dwandgi.
8 Dhanu m’ubeyikogi gibidoko calu gin,Man bende ju ceke m’uketho genogen migi i wigi.
9 E Israel, gen YehovaEn e kony peri man ban peri.
10 E ot p’Arun, gen YehovaEn e kony peri man ban peri.
11 Wun ma wulworo Yehova, wugen YehovaEn e kony mwu man ban mwu.
12 Yehova ubepoy piwa man ebipoko mugisa i wiwa;Ebipoko mugisa iwi ot mir Israel;Ebipoko mugisa iwi ot p’Arun.
13 Ebipoko mugisa iwi ju m’ulworo Yehova,Ju ma thindho man bende ju ma dongo.
14 Yehova biketho ibimediri ameda,In man nyithindhi.*
15 Dong’ Yehova ma Jacwi polo ku ng’om,Upok mugisa i wii.
16 Polo gi polo pa Yehova,Ento ng’om emiyo ni wot dhanu.
17 Ju m’utho gipaku Yah ngo;Kadi ng’atu moko acel de m’i kind ju m’uloro kaka ma ling’ mi tho.*
18 Ento wabipaku YahNiai kawoni man rondo ku rondo.
Wupak Yah!*
Korolembe mi There
^ Kunoke “Wambe ku gin moko, E Yehova, wambe ku gin moko.”
^ I dhu Juebrania: “woti.”
^ I dhu Juebrania: “i ka ma ling’.”
^ Kunoke “Aleluya!” “Yah” utie nying’ ma Yehova i adundo.