Zaburi 116:1-19
116 Amaru YehovaPilembe ewinjo* dwanda, kwac para m’akwayu ko kony.
2 Kum eciko ithe i bang’a,*Man abikwaye i nindo ceke m’abedo kwo.*
3 Thol mi tho utieka;Liel umaka i the lwet cinge.*
Can man litho udaru tego para.
4 Akwayu Yehova ku nyinge kumae:
“E Yehova, lara!*
5 Yehova tie jabero* man e pwe;Mungu mwa tie jakisa.
6 Yehova gwoko ju m’ung’eyo lembe akeca ngo.
Nwang’u jujwiga, ento ebodha.
7 Dong’ ng’eyong’ec* para uyom kendo,Kum Yehova utimo ira lembe ku bero.
8 Lara* kud i tho,Ibodho wang’a ni piwang’, man tienda kara kud ukier.
9 Abiwotho i wang’ Yehova i ng’om mi ju ma kwo.
10 Abino ku yiyoyic uketho aweco;Abino ku can lee.
11 Ento an lworo maka man awacu kumae:
“Dhanu ceke tie juvupo.”
12 Abiculo ang’o ni YehovaPi lembe ceke ma beco m’etimo ira?
13 Abiting’o kikombe* mi both* malu,Man abilwong’o Yehova ku nyinge.
14 Abipong’o lembang’ola ma ku kwong’ m’atimo ni Yehova,I vut dhanu pare ceke.
15 Tho mi ju ma gigwoko bedoleng’ migi ni YehovaPire tie tek lee i wang’e.
16 Akweyi, E Yehova,Kum an a jatic peri.
An a jatic peri, wod bong’ peri.
Igonya kud i twic para.
17 Abithiero iri lam mi dwoko foyofoc;Abikwayu Yehova ku nyinge.
18 Abipong’o lembang’ola ma ku kwong’ m’atimo ni YehovaI vut dhanu pare ceke,
19 I lela mi ot pa Yehova,I die ii, E Yeruzalem.
Wupak Yah!*
Korolembe mi There
^ Kunoke nyo “Amaru pilembe Yehova winjo.”
^ Kunoke “ekulo kore pi niwinja.”
^ I dhu Juebrania: “i nindo para.”
^ I dhu Juebrania: “Can mi Ceol unwang’a.”
^ Kunoke “lar ng’eyong’ec para.”
^ Kunoke “won ngisi.”
^ Nen Thelembe mi wec.
^ Kunoke “Ilaru ng’eyong’ec para.”
^ Kunoke “kopo; kalisi.”
^ Kunoke “both ma dit.”
^ Kunoke “Aleluya!” “Yah” utie nying’ ma Yehova i adundo.
