Zaburi 130:1-8
Wer mi idho.
130 Akweyi kud i ka ma thuc, E Yehova.
2 E Yehova, winj dwanda.
Dong’ ithi ubed acika pi niwinjo kwac para m’akwayu ko kony.
3 Ka nwang’u ineno* kosa, E Yah,*Nwang’u ng’a, E Yehova, ma copo cungo?
4 Kum iweko dubo i andha,Kara julwori.
5 Ageno Yehova, agene kud adundena* ceke;Abekuro lembe pare.
6 Abekuro Yehova kud ava,*Nisagu ma jukur gikuro ko rupiny,Eyo, nisagu ma jukur gikuro ko rupiny.
7 Dong’ Israel umedere nikuro Yehova,Kum Yehova nyutho mer ma lokere ngo,Man etie ku tego ma dwong’ pi niwaru.
8 Ebiwaru Juisrael kud i kosa migi ceke.
Korolembe mi There
^ Kunoke “ikwanu.”
^ “Yah” utie nying’ ma Yehova i adundo.
^ Kunoke “ng’eyong’ec para.”
^ Kunoke “Ng’eyong’ec para ubekuro kud ava.”
