Zaburi 138:1-8
Pa Daudi.
138 Abipeki kud adundena ceke.
I wang’ mungu mange,Abiwero wer mi pak.*
2 Abirum piny i ng’om i wang’ hekalu peri ma leng’,Man abipaku nyingiNikum mer peri ma lokere ngo man bedoleng’ peri.
Kum idodo lembe peri man nyingi iwi gin mange ceke.*
3 Idwoko ira lembe i nindo m’alwong’i i iye.Imedo amora i kuma* man idwoka tek.
4 Jubim ceke mi ng’om gibipeki, E Yehova,Kum nwang’u giwinjo pi lembang’ola m’itimo.
5 Gibiwero pi yo pa Yehova,Kum dwong’ pa Yehova tie dit.
6 Kadok nwang’u Yehova ni malu akeca, re eneno ju ma mol,Ento jukuhaya eng’eyogi kende kende ku bor.
7 Kadok nwang’u kinde m’abewotho i die ariti, ibigwoka abibedo kwo.
Irieyo cingi i kum kwinyo mi judegi para;Cingi ma yor acwic bibodha.
8 Yehova bitimo lembe ceke pira.
E Yehova, mer peri ma lokere ngo bedo rondo ku rondo;Kud ikun tic mi cingi.
Korolembe mi There
^ Kunoke nyo “Abigoyo iri mizik pi nicayu mungu mange.”
^ Kunoke nyo “idodo lembe peri ma sagu nyingi ceke.”
^ Kunoke “Idwoko cwinya tek.”
