Zaburi 14:1-7
Ni jatel wi wer. Pa Daudi.
14 Jukusegu wacu i adundegi kumae:
“Yehova mbe.”
Kura migi unyothere man gitimo gin ma judagu;Ng’atu moko mbe m’ubetimo gin ma ber.
2 Ento Yehova neno wot dhanu niai kud i poloPi nineno ka nyo ng’atu moko nuti m’utie ku rieko,Ka nyo ng’atu moko nuti m’ubeyenyo Yehova.
3 Gin ceke gilokiri cen;Gin ceke ginyothiri.
Ng’atu moko mbe m’ubetimo gin ma ber,Kadok ng’atu acel de.
4 Nyo jatimrac moko acel de mbe m’ubenyang’i?
Gibemvoro dhanu para ve gicamu mukathi.
Gibekwayu ngo Yehova.
5 Ento ndiri ma dit bimakugi,Kum Yehova ni karacelo ku dhanu m’utuk ma pwe.
6 Wu jutimrac, wubemito wunyoth pangulembe pa ng’atu ma ka kite mbe,Ento Yehova tie karingo pare.
7 Ah, dong’ both mir Israel uai kud i Sayuni!
Kinde ma Yehova udwogo dhanu pare kud i ng’eca,Wek mutoro neg Yakobo, wek anyong’a neg Israel.
