Zaburi 143:1-12
Wer pa Daudi.
143 E Yehova, winj rwo para;Winj wak para m’akwayu ko kony.
I bedoleng’ peri man i bedopwe peri, dwok ira lembe.
2 Kud ipok lembe iwi jatic peri,Kum ng’atu ma kwo e moko mbe ma tie pwe i weng’i.
3 Kum jadegi uberiemo toka;*Enyono kwo para i ng’om.
Eketho abedo i mudho calu ju m’utho con.
4 Tipona* ubevoc;Adundena ujung’ i iya.
5 Abepoy pi nindo ma con;Anyamu i lembe iwi tic peri ceke;Aparu cuu mandha iwi* tic mi cingi.
6 Athang’u cinga i beng’i;A calu* ng’om m’uthwo ma rieyoni ubenege. (Sela)
7 Dwok ira lembe pio pio, E Yehova;Tego para* utundo i ajikine.
Kud ikan ira weng’i,Kan ungo abidoko calu dhanu ma gibeloro i vur.*
8 Keth awinj pi mer peri ma lokere ngo kugweno,Kum ageno in.
Keth ang’ey yo m’acikara niwotho i iye,Kum alokara i beng’i.*
9 Bodha kud i cing’ judegina, E Yehova.
Abeyenyo gwok peri.
10 Ponja ku kite mi timo yeny peri,Pilembe itie Mungu para.
Tipo peri e ber.Dong’ etel wiya i ng’om m’upoto.*
11 E Yehova, nikum nyingi, gwoka abed kwo.
I bedopwe peri, lara* kud i can.
12 I mer mi gwoko bedoleng’ peri, jig wi judegi para;*Nyoth dhanu ceke ma gicega* tingili i wang’gi,Kum atie jatic peri.
Korolembe mi There
^ Kunoke “ng’eyong’ec para.”
^ Kunoke “Tegona.”
^ Kunoke “Aponjo.”
^ Kunoke “Ng’eyong’ec para calu.”
^ I dhu Juebrania: “Tipona.”
^ Kunoke “liel.”
^ Kunoke “Kum ating’o ng’eyong’ec para malu i beng’i.”
^ Kunoke “i ng’om mi bedopwe.”
^ Kunoke “lar ng’eyong’ec para.”
^ I dhu Juebrania: “keth giling’.”
^ Kunoke “gicego ng’eyong’ec para.”