Zaburi 145:1-21
Pak pa Daudi.
א [Alef]
145 Abiyungi, E Mungu para m’Ubimo,Abipaku nyingi rondo ku rondo.
ב [Beth]
2 Abipeki dieceng’ duu;Abipaku nyingi rondo ku rondo.
ג [Gimel]
3 Yehova e dwong’ man eromo ku pak lee dit;Dwong’ pare yenyere ngo.*
ד [Daleth]
4 Dhanu m’utuk acel i ng’ey dhanu m’utuk mange gibipaku tic peri;Gibiyero pi tic mi tego peri.
ה [He]
5 Gibiweco pi dwong’ mi leng’o mi dito periMan abinyamu i lembe iwi tic peri ma wang’u ijo.
ו [Waw]
6 Gibiweco iwi lembe ma wang’u ijo m’itimo,*Man abitwong’o pi dwong’ peri.
ז [Zayin]
7 Gibiweco wang’ udul kinde ma gibepoy pi bero peri ma dupa,Man gibikok ku mutoro pi bedopwe peri.
ח [Heth]
8 Yehova tie jakisa man jabero,*E yoo ni ng’eicwiny man epong’ ku mer ma lokere ngo.
ט [Teth]
9 Yehova tie ber ni giracwiya pare ceke,Man kisa pare nen kamaleng’ i tic pare ceke.
י [Yod]
10 E Yehova, tic peri ceke gibiyungiMan ju peri ma gibegwoko bedoleng’ migi iri gibipeki.
כ [Kaf]
11 Gibikoro pi dwong’ mi ker periMan gibiweco pi tego peri,
ל [Lamed]
12 Pi niketho dhanu ging’ey tic peri ma dongoMan dwong’ mi leng’o mi ker peri.
מ [Mem]
13 Ker peri tie ker ma bibedo rondo ku rondo,Man bimobim peri bibedo i kind dhanu m’utuk ceke.
ס [Samekh]
14 Yehova tielo dhanu ceke ma gibepodhoMan eting’o dhanu ceke ma igi ugom malu.
ע [Ayin]
15 Wang’ giracwiya ceke ubeneno beng’i ku genogen;Imiyo igi cam migi i saane.
פ [Pe]
16 Iyabu cingiMan ipong’o yeny mi giracwiya ceke ma kwo.
צ [Tsade]
17 Yehova tie pwe i yo pare cekeMan etie andha i lembe ceke m’etimo.
ק [Kof]
18 Yehova ni ceng’ini ku dhanu ceke ma gibelwong’e,Ku dhanu ceke ma gibelwong’e i lemandha.*
ר [Rec]
19 Epong’o yeny mi ju ma gilwore;Ewinjo wak migi ma gibekwayu ko kony man elarugi.
ש [Cin]
20 Yehova gwoko dhanu ceke ma gimare,Ento ebinyotho jutimrac ceke.
ת [Taw]
21 Dhoga bitwong’o pi pak pa Yehova;Dong’ giracwiya ceke ma kwo* gipak nyinge ma leng’ rondo ku rondo.
Korolembe mi There
^ Kunoke “ukadhu kadhiri mi gin ma junyang’ i iye.”
^ Kunoke “tego peri.”
^ Kunoke “won ngisi.”
^ Kunoke “m’umbe umbili.”
^ I dhu Juebrania: “kum ceke.”