Zaburi 146:1-10
146 Wupak Yah!*
Wek apak Yehova kud adundena* ceke.
2 Abipaku Yehova i kwo para ceke.
Abiwero wer mi pak* ni Mungu para i nindo ceke m’atie kwo i iye.
3 Kud wuketh genogen mwu iwi judongo ma wijo*Kadi iwi wod dhanu ma copo kelo ngo both.
4 Tipone* wok man edok i bang’ ng’om;I nindo maeca paru pare rwinyo.
5 Jamutoro tie ng’atu ma jakony pare tie Mungu pa Yakobo,Ma genogen pare n’i Yehova ma Mungu pare,
6 Ng’atu m’ucwiyo polo ku ng’om,Nam man piny ceke m’i igi,Ng’atu ma saa ceke jugene,
7 Ng’atu ma ketho lembe uwoth atira ni ju ma juyaku,Ng’atu ma miyo mukathi ni ju ma kec ubenegogi.
Yehova gonyo ju ma jutwiyo i kol.*
8 Yehova yabu wang’ abinga;Yehova ting’o ju ma korgi gom malu;Yehova umaru weg bedopwe.
9 Yehova gwoko umondo;Etielo nyathikic* man dhatho,Ento enyotho lembe ma jutimrac gipangu.*
10 Yehova bibedo Ubimo rondo ku rondo,E Sayuni, Mungu peri bibedo ubimo niai i kum dhanu m’utuk acel cil i kum dhanu m’utuk mange.
Wupak Yah!*
Korolembe mi There
^ Kunoke “Aleluya!” “Yah” utie nying’ ma Yehova i adundo.
^ Kunoke “ng’eyong’ec para.”
^ Kunoke “Abigoyo mizik.”
^ Kunoke “weg yung.”
^ Kunoke “Yuyo pare.”
^ I dhu Juebrania: “ju ma jutwiyo.”
^ Kunoke “nyathin ma won utho.”
^ Kunoke “Egomo yo mi jutimrac.”
^ Kunoke “Aleluya!” “Yah” utie nying’ ma Yehova i adundo.
