Zaburi 149:1-9
149 Wupak Yah!*
Wuwer wer ma nyen ni Yehova.
Wupake i cokiri mi ju ma gibegwoko bedoleng’ migi ire.
2 Dong’ anyong’a uneg Israel i kum Jacwic pare ma Dit;Dong’ anyong’a uneg wot Sayuni i kum Ubimo migi.
3 Dong’ gipak nyinge ku mielMan giwer wer mi pak* ire ku nyathi vul man adungu.
4 Kum anyong’a nego Yehova i kum dhanu pare.
Eruko ju ma mol ku both.
5 Dong’ anyong’a uneg ju ma gibegwoko bedoleng’ migi ire nikum dwong’ migi;Dong’ gikok kud anyong’a iwi kavuto migi.
6 Dong’ dend dhoggi* uwer wer mi pak ni Mungu,Man palamularu ma lake ario ubed i cing’gi,
7 Pi niculo kwor i kum thekMan nimiyo matira ni dhanu,
8 Pi nitwiyo jubim migi ku nyoroMan weg yung migi ku kongo mi cuma,
9 Pi nitimo pokolembe ma jukiewo pigi.
Yung maeni utie ni dhanu ceke ma gigwoko bedoleng’ migi ire.
Wupak Yah!*
Korolembe mi There
^ Kunoke “Aleluya!” “Yah” utie nying’ ma Yehova i adundo.
^ Kunoke “gigoy mizik.”
^ I dhu Juebrania: “dwandgi.”
^ Kunoke “Aleluya.” “Yah” utie nying’ ma Yehova i adundo.
