Zaburi 15:1-5

  • Ng’a ma copo bedo welo i hema pa Yehova?

    • Eyero lemandha i adundene (2)

    • Eyero ngo nying’ (3)

    • Eranyu ngo lembang’ola, kadok kinde ma lembene rac ire (4)

Wer pa Daudi. 15  E Yehova, ng’a ma copo bedo welo i hema peri? Ng’a ma copo bedo iwi got peri ma leng’i?  2  Ng’atu ma wotho i bedocu,Ma timo gin m’atiraMan ma yero lemandha i adundene.  3  Eyero ngo nying’ ku lebe,Etimo ngo gin ma rac acel de ni jadhugola pare,Man ecido ngo* jurimbe.  4  Ekoyere cen ku ng’atu moko ci m’uromo ku cac,Ento eyungo ju m’ulworo Yehova. Eranyu ngo lembang’ola* pare, kadok kinde ma lembene rac ire.  5  Emiyo ngo sente pare pi ninwang’u faida i wiye,Eyiyo ngo kanyaka pi ninyayu peko i kum ng’atu ma lembe mbe i wiye. Ng’atu moko ci m’utimo gin maeni biyengere ngo nyanok de.

Korolembe mi There

^ Kunoke “enyayu ngo lewic iwi.”
^ I dhu Juebrania: “kwong’.”
BIBLIA—LOK MI NG'OM MA NYEN
Zaburi 15
Alur
Som Biblia i Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt