Zaburi 150:1-6
150 Wupak Yah!*
Wupak Mungu i kabedo pare ma leng’.
Wupake i lac* mi tego pare.
2 Wupake pi tic mi tego pare.
Wupake pi dwong’ pare ma dit akeca.
3 Wupake ku dwand agwara.
Wupake ku jamgoyo wer ma juthondhe man adungu.
4 Wupake ku nyathi vul man ku miel ma judhokiri ko adhoka.
Wupake ku jamgoyo wer ma juthondhe man usegu.*
5 Wupake ku jamgoyo wer ma woy awoya ma dwande lero.
Wupake ku jamgoyo wer ma woy awoya ma dwande tek.
6 Dong’ piny ceke ma yuyo upak Yah.
Wupak Yah!*
Korolembe mi There
^ Kunoke “Aleluya!” “Yah” utie nying’ ma Yehova i adundo.
^ Kunoke “i polo m’utuco lembe i wiye.”
^ Kunoke “dak.”
^ Kunoke “Aleluya!” “Yah” utie nying’ ma Yehova i adundo.