Zaburi 24:1-10
-
Ubimo ma dwong’ umondo kud i dhugang’
-
‘Ng’om tie pa Yehova’ (1)
-
Wer pa Daudi.
24 Ng’om ku piny ceke ma n’i iye tie pa Yehova,Ng’om ma cego piny man ju m’ubedo i wiye.
2 Kum eketho kathere ucungo ma tek iwi namMan eketho ecungo nging’ nging’ iwi kulo.
3 Ng’a ma copo idho iwi got pa Yehova,Man ng’a ma copo cungo i kabedo pare ma leng’i?
4 Ng’atu ma cinge nyotho ngo lembe man m’adundene leng’,Ng’atu m’ukwong’o ngo kwong’ mi vupo ku kwo para,*Kadi m’ukwong’o ngo kwong’ mir abombi.
5 Ebinwang’u mugisa i bang’ YehovaMan bedopwe* i bang’ Mungu mi both pare.
6 Maeni dhanu m’utuk mi ju ma gibeyenyo kakeri,Mi ju ma gibeyenyo weng’i, E Mungu pa Yakobo. (Sela)
7 Wuting’ wiwu, wu dhugang’;Wuyeburu,* wu dhugola ma con,Kara Ubimo ma dwong’ umondi!
8 Ubimo ma dwong’ maeni tie ng’a?
Tie Yehova ma tek man ma jarukara,Yehova e jarukara i lwiny.
9 Wuting’ wiwu, wu dhugang’;Wuyeburu, wu dhugola ma con,Kara Ubimo ma dwong’ umondi!
10 Ubimo ma dwong’ enone en e ng’a?
En e Yehova mir udul, etie Ubimo ma dwong’. (Sela)
Korolembe mi There
^ Kunoke “ng’eyong’ec para,” eni ubenyutho kwo pa Yehova ma ng’atini kwong’o ko kwong’.
^ Kunoke “pokolembe m’atira.”
^ Kunoke “Wuai malu.”
