Zaburi 25:1-22
Pa Daudi.
א [Alef]
25 E Yehova, alokara i beng’i.*
ב [Beth]
2 Mungu para, ageno in;Kud iwek lewic unyay i wiya.
Kud iwek judegina gifoyiri pi can para.
ג [Gimel]
3 Andhandha lewic binyay ungo iwi ng’atu moko ci m’ugeni,Ento lewic ubekuro ju ma gicibojo m’umbe thelembe.
ד [Daleth]
4 Keth ang’ey yo peri, E Yehova;Ponja ku gengi peri.
ה [He]
5 Keth awoth i lemandha peri man ponja,Kum in i Mungu mi both para.
ו [Waw]
Ageno in dieceng’ duu.
ז [Zayin]
6 E Yehova, poy i kum kisa peri, man i kum mer peri ma lokere ngo,M’inyutho niai con.*
ח [Heth]
7 Kud ipoy i kum dubo mir aradu para man kier para.
Poy pira calku mer peri ma lokere ngo,Nikum bero peri, E Yehova.
ט [Teth]
8 Yehova e ber man en atira.
Eno re m’uketho eponjo judubo ku yo m’umaku giwoth i iye.
י [Yod]
9 Ebitelo wi ju ma mol i lembe m’atira,*Man ebiponjo ju ma mol ku yo pare.
כ [Kaf]
10 Gengi pa Yehova ceke nyutho mer ma lokere ngo ku bedoleng’ pareNi ju ma giworo lembariba pare man poyowic pare.
ל [Lamed]
11 Pi nyingi, E Yehova,Wek kier para, kadok nwang’u e dit.
מ [Mem]
12 Ng’a ma tie ng’atu ma lworo Yehova?
Ebiponje ku yo m’ukwayu eng’ii.
נ [Nun]
13 Ebinwang’u* gin ma ber,Man nyikwaye* bicamu ng’om ni aba.
ס [Samekh]
14 Ju ma gilworo Yehova re ma gibedo jurimbe ma ceng’ini,Man eketho ging’ey lembariba pare.
ע [Ayin]
15 Ang’ayu wang’a i bang’ Yehova saa ceke,Pilembe ebigonyo tienda kud i voi.
פ [Pe]
16 Lok weng’i i bang’a man nyuth ira bero,Pilembe atie kenda man jakonyna mbe.
צ [Tsade]
17 Can mir adundena umedere ameda;Lara kud i adieng’a para.
ר [Rec]
18 Nen can para, peko para,Man wek dubo para ceke.
19 Nen maram judegina upong’ koMan kite ma lak adegi migi tek ko i kuma.
ש [Cin]
20 Gwok kwo* para man bodha.
Kud iwek lewic unyay i wiya, kum apondo i beng’i.
ת [Taw]
21 Dong’ bedocu man lembe m’atira m’abetimo ugwoka,Kum ageno in.
22 E Mungu, lar* Israel kud i can pare ceke.
Korolembe mi There
^ Kunoke “ating’o ng’eyong’ec para malu.”
^ Kunoke “M’unuti saa ceke.”
^ I dhu Juebrania: “i pokolembe.”
^ Kunoke “Ng’eyong’ec pare binwang’u.”
^ I dhu Juebrania: “kodhine.”
^ Kunoke “ng’eyong’ec.”
^ I dhu Juebrania: “war.”
